चैत्र १ गाईघाट । संगठन विस्तार र जनसम्पर्कका क्रममा उदयपुरको कटारीनगरपालिाको खसीबासमा पुगेका आफ्ना कार्यकर्ताहरुलाई घेरा हालेर पक्राउ गरिएको र बालिका अपहरणको कृत्रिम आरोप लगाएको भन्दै नेकपाले आपत्ति जनाएको छ ।
नेकपा जनकपुर ब्यूरो ईन्चार्ज अरुणले शुक्रबार विज्ञप्ति जारी गरी बालबालिकालाई पार्टीमा पूर्णकालीन गर्ने नीति पनि नरहेको भन्दै साम्राज्यवादी डिजाईन अन्तर्गत षड्यन्त्र भएको भन्दै यसले राज्य सत्ताको षड्यन्त्रको स्तरलाई स्पष्ट गर्दछ भनेका छन् ।
उनले निशर्त ती कार्यकर्ताहरु रिहा नगरे कडा संघर्ष गर्ने चेतावनी पनि दिएका छन् ।
पक्राउ पर्नेहरुमा २० वर्षीय मुस्कान राई,सुनसरीका २८ वर्षीय विवेक खड्का, भोजपुरका ४६ वर्षीय मणीराज राई, १६ वर्षीय रिता कार्की, २० वर्षीय विकास राई, १७ वर्षीय आयुष मगर र १८ वर्षीय अविमान तामाङ छन् ।
यसैगरी २० वर्षीय आशिष लामा, १६ वर्षीय रञ्जना राई, १९ वर्षीय अनिता राई, १९ वर्षीय अनुश्का राउत, १७ वर्षीय सपना राई, र १५ वर्षीय आशिष श्रेष्ठ रहेको जिल्ला प्रहरी कार्यालय उदयपुरले जानकारी दिएको थियो ।

