फागुण १९ काठमाण्डौं । प्रधानमन्त्री केपी शर्मा ओलीले संसारमा कोही पनि अजम्बरी नरहेको भन्दै आफ्नो श्वास्थ्यलाई लिएर चिन्ता नगर्न अपील गरेका छन् । आफूले जगाएका सपनाहरुलाई त्यतिकै छाडेर अलप नहुने भन्दै उनले मृगौला प्रत्यारोपण पछि उर्जा लिएर काममा फर्कने पनि प्रतिवद्धता जनाए ।
आफ्नो जीवन कुनै न कुनै संघर्षमा बित्दै आएको र यसैसगँ सघर्ष गर्ने क्रममा शरीर भित्र सिर्जित रोगसगँ लड्न बाध्य हुनु परेको पनि उनले बताए ।
०६४ साउनमा पहिलो पटक मृगौला प्रत्यारोपण गरेको र फेरी बुधबार मृगौला प्रत्यारोपण गर्न लागेको जानकारी गराए । यस पटकको मृगौला प्रत्यारोपण आफ्नै देशमा र अनुभवि चिकित्सकहरुबाट गराउन पाउदा गर्व लागेको बताए ।
जसरी खेलको बीचमा राम्रो खेलाडीले मैदान छाड्दैन, त्यसै गरी भर्खर जागृत हुदै गरेका सपनालाई बिचमा छाडेर अलप नहुने उनले बताए ।
मेरो श्वास्थ्यलाई लिएर ढुक्क रहन आग्रह गर्दै फेरी काममा फर्किने र अस्पतालको बसाईका क्रममा पनि सरकारको नियमित काम अघि बढ्ने दावी प्रधानमन्त्रीले गरे ।