कम्युनिस्ट सत्तामा गएपछि आफैँ भ्रस्टाचारमा लिप्त हुन्छः प्रचण्ड

कम्युनिस्ट सत्तामा गएपछि आफैँ भ्रस्टाचारमा लिप्त हुन्छः प्रचण्ड

  • बिहिबार, फाल्गुन १५, २०७६
  • मिर्मिरे अनलाइन

  • 5.8K
    SHARES

काठमाडौं, १५ फागुन । नेपाल कम्युनिस्ट पार्टीका अध्यक्ष पुष्पकमल दाहाल ‘प्रचण्ड’ले बाहिर हल्ला भएजस्तो बबन्डर नेकपामाभित्र नभएको बताएका छन्।

राजधानीमा बिहीबार दिउँसो आयोजित बागमती प्रदेशस्तरीय प्रशिक्षणलाई सम्बोधन गर्दै उनले पार्टी विघटन र विभाजन हुने अवस्था आउन नदिने धारणा राखेका छन्।

दाहालले धेरै ठूलो दुख र मुल्य चुकाएर कम्युनिस्ट पार्टीलाई देशमा अहिले यो अवस्थामा ल्याएको स्मरण गर्दै उनले धेरै रगत र पसिना, करौडौं जनताको आशा र अपेक्षा, करौडौं जनताको भावना जोडिएकोले एक ढिक्का भएर नेपाल राष्ट्रको हितमा कम्युनिस्ट पार्टी एक दशकसम्म नेतृत्व गर्न सक्षम रहने बताए ।

उनले अध्यक्षद्वय कहिलेकाहिँ विवाद गरेपनि समस्याको समाधान गर्ने गरेको प्रष्ट पारे। ‘अहिले पनि केहि-केहि विषयवस्तु के हो भने जस्तो मिडियामा आएको छ।’ उनले भने, ‘अहिले मिडियामा आएको विषयको पछाडि नलाग्नुहोला। हामी बसेर यसको पनि समाधान निकाल्छौँ। ‘

दाहालले पार्टी कमजोर हुने, विभाजन गर्ने प्रतिक्रियावादी षडयन्त्रलाई परास्त गर्ने एक ढिक्का भएर अगाडि बढ्ने आग्रह गरेका छन्। उनले पार्टीमा विवाद, संघर्ष हुनु स्वभाविक भएको जनाएका छन्। ‘पार्टी भनेको जमेको पोखरीको निलो भएर बस्ने पानी चैं किटाणु लाग्ने जस्तो होइन। पार्टी भनेको गड्गडाएर अगाडि बढ्ने जात हो।’ उनले भने।

कम्युनिस्ट पार्टीलाई दुस्मनले परास्त्र गर्न नसकेपनि सत्तामा गएपछि आफैँ भ्रस्टाचारमा लिप्त हुने, कुशासनतिर जाने र अहंकार बढेको बताए। उनले यो अनुभवलाई पार्टीले गम्भीरताका साथ लिदै दुबै अध्यक्षले छलफल र समिक्षा गरेर अगाडि बढ्ने धारणा राखे।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ