फागुण १३ काठमाण्डौं । प्रतिनिधि सभाको मंगलबारको बैठकमा कांग्रेस सांसद मिनेन्द्र रिजालले कम्युनिस्ट सरकारका कामलाई देखेर जनता आक्रोशित रहेको भन्दै अब प्रधानमन्त्री केपी शर्मा ओलीले संसद्मा जवाफ दिन माग गरेका छन् । प्रधानमन्त्री जिम्मेवारीबाट पन्छिन नमिल्ने भन्दै सदनले छानेको हुनाले सदनलाई आस्वस्त पार्नु पर्ने बताए ।
सांसद रिजालले तामझामका साथ ५ वटा हेलिकप्टर लिएर तेह्रथुममा प्रधानमन्त्रीले जन्मदिन मनाएको विषयमा आपत्ति जनाउदै यसरी ब्ग्य गरे ,त्यो घरलाई पनि लाग्यो होला आफ्नो खड्गप्रसाद होइन, राजा महाराजा हो। त्यो घरको आत्माले तपाईंलाई चिनेन होला। त्यो घरको अगाडि उभिएर जनता कुन लोकमा र तपाईं कुन लोकमा हुनुहुन्छ भन्ने सोच्नु भयो ?
स्याटेलाइट टेलिकम फाइबर, फोरजी वितरण लगायतका विषयमा सञ्चार मन्त्रालय भ्रष्टाचारको अखडा बनेको भन्दै प्रधानमन्त्रीलाई उनले भने, त्यसैले होला तुलामा जोख्दा सञ्चारमन्त्री एकातिर अरु अर्कोतिर गर्दा बराबर हुन्छ भन्नुभएको ।