सुनसरी, ७ फागुन । नेपाली कांग्रेसका सभापति शेरबहादुर देउवाले न्यायपालिका, प्रहरी र ब्युरोक्रेसीमा राजनीतिक हस्तक्षेप भए स्वीकार्य नहुने बताएका छन् ।
बुधबार धरान उपमहानगरपालिकाद्वारा आयोजित ७० औं प्रजातन्त्र दिवसको अवसरमा सभापति देउवाले जनताले लडेर ल्याएको अधिकारहरु सुरक्षित गर्दै न्यायपालिका, प्रहरी र ब्युरोक्रेसीलाई राजनीतिक हस्तक्षेप बिना स्वतन्त्रपूर्वक काम गर्न दिनुपर्ने भन्दै हस्तक्षेप भए असह्य हुने बताए ।
स्वतन्त्रतापूर्वक काम गर्न नदिएसम्म राजनीतिक आन्दोलन गरेर प्राप्त भएको अधिकारको अर्थ नहुने उनकाे तर्क छ ।
सर्वभौम शक्तिको स्रोत जनता नै भएकाले ००७, ०४६ साल, ०६२/०६३ मा जनताले लडेर ल्याएको अधिकारहरुलाई कुनै पनि बहानामा हटाउन नसकिने भन्दै उनले जनताले लडेर स्थापित गरेको प्रजातन्त्रमा बोल्न, लेख्न, आलोचना गर्न पाउने अधिकार सुरक्षित हुनुपर्नेमा जाेड दिए ।