खादबारी फागुण ७ । नेपाल कम्युनिस्ट पार्टीका केन्द्रीय सदस्य माइला लामा कारागार चलान भएका छन् । आज संखुवासभामा कारागार चलान भएका हुन् ।
नख्खु कारागारबाट पुर्व पुर्याईएका माईला लामा सुनसरी हुदै संखुवासभा पुगेपछि आज जेल चलान भएका छन् भने उदयपुरमा पक्राउ परेका अर्का केन्द्रीय सदस्य दिपेश राईलाइ हिरासतमै राखिएकाे छ ।
विष्फोट हातहतियार लगायतका विभिन्न मुद्धामा जिल्ला अदालत सखुवासभाले लामालाइ २५ हजार धरौटी तोके पछि उनी धरौटी नतिरि जेल चलान भएका हुन् ।
संखुवासभामै तात्कालीन जिल्ला ईन्चार्ज देव गुरुगं र सुनिता राई लगायत सो पार्टीका अन्य कार्यकर्ता जेलमा रहेका छन् ।
यसैबीच करीब १० महिना कैलाली कारागार बसेर आज रिहा भएकी सो पार्टीकी महिला संगठनकी अध्यक्ष तथा पार्टी केन्द्रीय सदस्य बन्धु चन्द लाई प्रहरीले पुनः पक्राउ गरेको छ । उनी रिहा भए पछि पुनः पक्राउ गरिएको पारीवारीक स्रोतले जनाएको छ ।
