काठमाडौं । पूर्व प्रधानमन्त्री डा. बाबुराम भटट्राईले प्रधानमन्त्री तथा नेपाल कम्युनिस्ट पार्टीका अध्यक्ष केपी ओलीलाई कालीदासको संज्ञा दिएका छन् ।
डा.भट्टराईले सत्यतथ्य नबुझी राजनीतिक प्रतिशोधको मनशायले प्रधानमन्त्री केपी शर्मा ओलीले २०२६ सालमै राजा महेन्द्रले बिर्ता त्यागी रैकरमा परिणत गरेको मातातिर्थको जोताहा र मोहीको जग्गासम्बन्धी भ्रम छरेको भन्दै आपत्ति जनाएका छन् ।
उनले बुधबार सामाजिक सञ्जाल फेसबुकमा लेखेका छन्, ‘मेरो मन्त्रिपरिषदको नीतिगत निर्णयलाई उछालेर संसद र जनतालाई भ्रम छर्नु आपत्तिजनक छ । अरूमाथि हिलो छ्यापेर आफ्नो आंगको फोहर पखालिन्न् भन्ने बुझ्दा राम्रै होला १ मन्त्रिपरिषदको विधिसम्मत नीतिगत निर्णयलाई काटेर कालीदासले झैं हाँगामा बसेर फेद काट्दा के हविगत हुन्छ, स्मरण गर्नु उचित होला ! ’
उनले प्रधानमन्त्री ओलीको सोझै नाम नलिए पनि मन्त्रीपरिषद्को निर्णय, यति होल्डीग्स जस्ता बिषय जोडेर प्रतिकात्मक बिरोध जनाएका हुन् ।
त्यस्तै भट्टराईले जोताहा किसानको जमीन फेरि राजाको नाउँमा लगेर ट्रष्ट हुँदै यति होल्डिंग्सलाई सुम्पने दाउ हो भने आफ्नो भन्नु केही नभएको भन्दै व्याङग्य गरेका छन् ।
मंगलबार सञ्चार माध्यममा मातातीर्थको जग्गामा भट्टराईलाई तान्ने तयारी भन्ने समाचार प्रकाशित भए पछि उनले यो टिप्पणी गरेका हुन् ।
