फागुण ५ काठमाण्डौं । वैंकिङ्ग क्षेत्रमा देखिएका समस्या र यसको समाधानका बारेमा अर्थमन्त्री डा युवराज खतिवडाले बैंक तथा वित्तीय संस्थाका पदाधीकारीहरुसगँ छलफल गरेका छन् ।
तरलताको अवस्था, कर्जाको माग, असुली र व्याजदर, सम्पत्ति शुद्धीकरण अनुसन्धान सम्बन्धी पालना गर्नुपर्ने विषयहरू, सामाजिक सुरक्षा कोषमा निजी क्षेत्रको स्वः स्फूर्त सहभागिता अभिवृद्धि, संस्थागत सामाजिक उत्तरदायित्वको दायरा फराकिलो बनाउने , सहुलियतपूर्ण कर्जा वितरणलाई ऋणीको आवश्यकता र माग बमोजिम परिचालन, नेपाल राष्ट्र वैंकको एकीकृत निर्देशनहरुको कार्यान्वयन गर्ने बिषयमा केन्द्रीत रहेको थियो ।
साथै बैंकहरुबीच मर्जर नीतिको कार्यान्वयन लगायतका विषयहरूमा सहभागीहरूले धारणा राखेका थिए ।
अर्थमन्त्री खतिवडाले वैंक तथा वित्तीय संस्थामा रहेका समस्याहरूको तत्काल र दीर्घकालीन समाधानको लागि संयन्त्र विकास गरी समग्र अर्थतन्त्रमा सकारात्मक प्रभाव पार्ने र निजी क्षेत्रलाई विश्वासको वातावरण सृजना गरी लगानीमैत्री र व्यवसायिक वातावरणको सुनिश्चित गर्न राष्ट्र बैंक तथा बैंकर्स एशोसियसनलाई आग्रह गर्नु भयो।
आजको छलफलका क्रममा उठेका विषयहरुमा केन्द्रित भई थप सहजीकरण गर्न आवश्यक गृह कार्य गरी कार्यान्वयनको प्रकृयामा लैजान अर्थ मन्त्रालय वित्तीय क्षेत्र व्यवस्थापन तथा संस्थान समन्वय महाशाखा, नेपाल राष्ट्र वैंक र नेपाल वैंकर्स एसोसियसनले यथाशीघ्र छलफल गरी टुंगोमा पुर्याउन समेत निर्देशन दिनु भयो।
