जनयुद्ध दिवस मनाउदाँ गिरफ्तार कार्यकर्ता रिहा नगरे शक्तिशाली प्रतिरोध गर्ने प्रकाण्डको चेतावनी

जनयुद्ध दिवस मनाउदाँ गिरफ्तार कार्यकर्ता रिहा नगरे शक्तिशाली प्रतिरोध गर्ने प्रकाण्डको चेतावनी

  • शुक्रबार, फाल्गुन २, २०७६
  • मिर्मिरे अनलाइन

  • 10.9K
    SHARES

काठमाडौँ ।

नेपाल कम्युनिस्ट पार्टीले २५ औँ जनयुद्ध दिवस मनाउने क्रममा गिरफ्तार आफ्ना नेता कार्यकर्तालाई तत्काल विनासर्त रिहागर्न माग गरेको छ ।

पार्टी प्रवक्ता प्रकाण्डले बिहिवार साझ विज्ञप्ती जारी गरी जनयुद्ध दिवश मनाउदँै गरेको स्थानहरुमा हस्तक्षेप गरी प्रहरीले सरकारले पार्टी नेता–कार्यकर्तालाई गिरफ्तार गरेकोमा भत्र्सना गर्दै तत्काल, बिनासर्त रिहा नगरिए शक्तिशाली प्रतिरोध गर्ने चेतावनी दिएका छन् ।

पार्टी केन्द्रीय समितिका तर्फबाट जारी विज्ञप्तिमा लेखिएको छ, ‘केपी वली–प्रचण्डको सामाजिक दलाल पुँजीपति वर्गको प्रतिनिधित्व गर्ने सरकारले फागुन १ गते महान् जनयुद्ध दिवसमाथि देशभर हस्तक्षेप तथा आक्रमण गरेर आफ्नो फासिवादी र पश्चगामी चरित्र उदाङ्गो पारेको छ । उसले जनयुद्धको स्मरणमा भएका जुलुस, प्रदर्शनमाथि देशभर अवरोध र आक्रमण गरेको छ ।’

विज्ञप्तिमा अगाडि भनिएको छ, ‘यसै क्रममा काठमाडौँको सुन्धाराबाट अखिल (क्रान्तिकारी) का केन्द्रीय अध्यक्ष चिरञ्जीवी ढकाल, केन्द्रीय सदस्य उषाकिरणसहित ५ जना र क्रान्तिकारी माओवादीका दोलखा जिल्ला इन्चार्ज गोविन्दसहित ३ जनालाई चरीकोटबाट गिरफ्तार गरेको छ । गणतन्त्रका लागि मुख्य भूमिका निर्वाह गर्ने पार्टीको आयोजनामा भएको जनयुद्ध दिवस कार्यक्रममाथिको यो आक्रमण सहिद परिवार, घाइते, बेपत्ता परिवार, जनयुद्ध र सबै अग्रगामी शक्तिमाथिको अपमान र ज्यादती हो । हाम्रो पार्टी सरकारको यसप्रकारको फासिवादी र पश्चगामी हर्कतको निन्दा गर्दछ र सबै पार्टीका गिरफ्तार नेता–कार्यकर्ताको बिनासर्त रिहाइको माग गर्दछ ।’

प्रवक्ता प्रकाण्डको विज्ञप्तिको अन्त्यमा चेतावनी दिँदै भनिएको छ, ‘सरकारको यस्तो फासिवादी हर्कत नरोकिए अझ ठूलो प्रतिरोध गर्न पार्टी बाध्य हुने चेतावनी पनि दिन चाहन्छ ।’

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ