दलहरुको सहमति नजुट्दा उपसभामुखको निर्वाचन अन्योलमा

दलहरुको सहमति नजुट्दा उपसभामुखको निर्वाचन अन्योलमा

  • सोमवार, माघ २०, २०७६
  • मिर्मिरे अनलाइन

  • 6K
    SHARES

माघ २०, काठमाडौं

संघिय संसद अन्तरगत प्रतिनिधिसभाको सभामुख चयन भएपनि दलहरुबीच सहमती जुट्न नसक्दा उपसभामुख चयन हुन सकेको छैन । संसद सचिवालयले प्रतिनिधि सभाको रिक्त उपसभामुखको निर्वाचनका लागि तयारी सुरु गरेपनि दलहरुको सहमति नजुट्दा निर्वाचन प्रक्रिया अन्योलमा परेको हो ।

रिक्त रहेको उपुसभामुखको निर्वाचन प्रक्रिया तत्काल सुरु गर्ने गरी सचिवालयले ड्राफ्टमा छलफल गरिरहेपनि सभामुखसहित दलहरुको प्रतिबद्धता नआएपछि अन्योलता बढेको छ ।

भोलि बस्ने संसदको बैठकको सम्भावित कार्यसूचीका लागि आज हुने छलफल पछि यसको निक्र्योल हुने संसद सचिवालयका सचिव गोपाल नाथ योगीले जानकारी दिनुभयो ।

योगीका अनुसार संसद सचिवालय भने उपसभामुखको निर्वाचन प्रक्रियाका लागि तयारी अवस्थामा छ । सत्तारुढ नेपाल कम्युनिष्ट पार्टी नेकपा सहित संसदमा प्रतिनिधित्व गर्ने दलहरु बिभिन्न बैठक तथा अन्य विषयमा व्यस्त रहँदा उपसभामुखको निर्वाचन प्राथमिकतामा नपरेको हो ।

माघ ६ गते उपसभामुख शीवमाया तुम्बाहाङफेले पदबाट राजिनामा दिएपछि सो पद रिक्त रहेको छ ।

नेकपा बाहेकका दलबाट महिला सांसद सो पदमा पुग्ने निश्चित रहेको छ । तर सो पद कसलाई दिने भन्नेमा दलहरु पनि निर्णयमा पुग्न सकेका छैनन् ।

प्रमुख प्रतिपक्षी नेपाली कांग्रेस र राष्ट्रिय जनता पार्टीले उपसभामुखमा दाबेदारी प्रस्तुत गरेपनि नेकपाले ठोस निर्णय लिन नसक्दा कसले सो पद पाउने भन्नेमा पनि द्विविधा देखिएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ