आज सभामुखको टुङ्गो लाग्ला ?

आज सभामुखको टुङ्गो लाग्ला ?

  • शुक्रबार, माघ ३, २०७६
  • मिर्मिरे अनलाइन

  • 4.9K
    SHARES

काठमाडौँ, माघ ३ ।

सभामुखको उम्मेदवार छान्न आज सत्तारुढ नेपाल कम्युनिस्ट पार्टीका अध्यक्षद्धय केपी शर्मा ओली र पुष्पकमल दाहाल प्रचण्डबीच आज निर्णयक छलफल हुँदै ।

यसअघि हिजो बालुवाटारमा भएको वार्ता निश्कर्षबिहिन बनेपछि आज दुई अध्यक्षबीच सभामुखका बिषयमा निर्णायक वार्ता हुनलागेको हो ।

दुई अध्यक्षबीच सभामुखबारे आज निर्णायक वार्ता गर्ने तयारी रहेको नेकपाका महासचिव विष्णु पौडेलले जानकारी दिनुभयो । माघ ६ गते अगाडि नै सबै विषयमा समाधान दिने गरी छलफल अगाडि बढेको नेताहरुको भनाई छ ।

६ माघमा प्रतिनिधिसभाको बैठक बोलाइएको छ । बैठक बसेको अवस्थामा सभामुख निर्वाचनको कार्यतालिका आउनेछ । तर सत्तारुढ नेकपामा सभामुखबारे सहमति जुट्न नसक्दा संसद बैठक लगातार सूचना टाँसेर स्थगित हुँदै आएको छ ।

नेकपामा अध्यक्ष प्रधानमन्त्री ओली र अर्का अध्यक्ष प्रचण्डको आ आफ्नो उम्मेदवार छन् । ओलीले पूर्वसभामुख सुवास नेम्वाङलाई अगाडि सारेका छन् भने प्रचण्डले अग्नि सापकोटाको नाम लिएका छन् । तत्कालीन सभामुख कृष्णबहादुर महरा पूर्वमाओवादी कोटाबाट भएकाले अहिले सभामुख आफ्नो प्रस्तावमा हुनुपर्ने प्रचण्डको अडान छ ।

यस्तै वर्तमान उपसभामुख शिवमाया तुम्बाहङफेले पनि सभामुखमा आफ्नो दाबेदारी प्रस्तुत गरेकी छन् ।

सभामुख चयनका लागि बाटो खोलिदिन नेकपा सचिवालय बैठकले उपसभामुख शिवमाया तुम्बाहाङ्फेलाई राजीनामा दिन आग्रह गरेको छ तर उपसभामुख तुम्बाहाङ्फेले सभामुख को बन्ने निश्चित भएपछि मात्र आफूले राजीनामाबारे सोच्ने नेकपाका शीर्ष नेतालाई जानकारी दिइसक्नुभएको जनाइएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ