राष्ट्रिय राजनीतिमा जटिलता छ : दाहाल

राष्ट्रिय राजनीतिमा जटिलता छ : दाहाल

  • मङ्लबार, पुस २९, २०७६
  • मिर्मिरे अनलाइन

  • 4.7K
    SHARES

सत्तारुढ नेकपाका अध्यक्ष पुष्पकमल दाहालले राष्ट्रिय राजनीतिमा जटिलता आएको बताएका छन् । चितवनको माडी नगरपालिकामा आयोजित खिचरा महोत्सव उद्घाटन कार्यक्रममा दाहालले राष्ट्रिय राजनीतिमा जटिलता आएको बताएका हुन् ।

आफूलाई दबाब दिने राष्ट्रिय राजनीतिको जटिलता के हो भन्नेचाहिँ उल्लेख गरेनन् । सभामुख चयनलाई लिएर नेकपामा संघर्ष छ । दाहाल आफैंले पूर्वमाओवादीले सभामुख पाउनुपर्ने दाबी गर्दै आएका छन् । उनीमाथि पूर्वमाओवादीका नेताले सभामुख छोड्न नहुने दबाब दिँदै आएका छन् । अर्कोतिर, प्रधानमन्त्री तथा नेकपा अध्यक्ष केपी शर्मा ओलीले सुवास नेम्वाङलाई सभामुख बनाउनुपर्ने अडान लिएका छन् ।

उपसभामुख शिवमाया तुम्बाहाङ्फेले आफू स्वतः सभामुख बन्नुपर्ने दाबी गर्दै आएकी छन् । उनले आफूलाई सभामुख नबनाउने भए उपसभामुखबाट राजीनामा नदिने अडान लिएकी छन् । उनले नेकपाको सचिवालय बैठकले पदबाट राजीनामा दिन गरेको आग्रहलाई अस्वीकार गर्दै हटाउन चुनौती दिएकी छन् ।

यीनै विषयलाई लिएर दवाव बढेको र जटिलता पैदा भएको कुरा दाहालले सारेको हुन सक्ने अनुमान गरिएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ