पुष २२ काठमाण्डौं । ईराकमा अमेरीकी आक्रमणमा परी ईरानी जनरल क्वासीम सुलेमानीको हत्या पछि उत्पन्न संकट र आक्रमणको त्रासमा विदेशी कामदारले ईराक छाड्न थालेका छन् । अमेरीकी बेस क्याम्पमा रहेका सात नेपाली स्वदेश आएका छन् । अरु पनि जुनसुकै बेला आउने तयारीमा रहेको बताईएको छ । यसै गरी अन्य देशका कामदार पनि फर्कन शुरु गरेका छन् । अमेरीकी सेनाको क्याम्मा मात्रै २ सय नेपाली रहेको अनुमान गरिएको छ ।
इरान र अमेरिकाबीच तनाव चुलिएपछि बग्दादस्थित अमेरिकी सेनाका लागि सहयोगीको काम गरिरहेका कम्पनीले आवश्यक कामदार राखेर बाँकीलाई आइतबारदेखि पठाउन थालेका हुन् । आइतबार र सोमबार फर्काइएको टोलीमा नेपाली सात जना छन् । ‘
अमेरिकी बेस क्याम्पबाहिर कार्यरत नेपालीलाई भने रोजगारदाता कम्पनीले नआत्तिन भनेको छ । उक्त होटलमा १६ जना नेपाली कार्यरत छन् ।
अवस्था प्रतिकूल बनेपछि होटलमा विदेशी पाहुना आउनेक्रम घटेको छ । बेबिलोन होटलमा कार्यरत गोरखाका कुन्दन घलेले भने, ‘हामी नियमित ड्युटीमै छौं । कम्पनीबाट चिन्ता लिनुपर्ने अवस्था छैन भनिरहेको छ, यही कुरा हामीले परिवारलाई सुनाएका छौं ।’ बेबिलोनमा करिब सय नेपाली कार्यरत छन् ।
श्रम, रोजगार तथा सामाजिक सुरक्षा मन्त्रालयले इराकमा रहेका नेपालीबारे सूचना संकलन गर्न सोमबार संयन्त्र बनाएको छ । इराक मामिला हेर्ने कुवेतस्थित नेपाली दूतावासले पनि इराकमा रहेका नेपालीसँग सम्पर्क बढाइरहेको छ ।
