सङ्घीय संसद् अधिवेशन भोलिदेखि सुरु हुँदै

सङ्घीय संसद् अधिवेशन भोलिदेखि सुरु हुँदै

  • बिहिबार, पुस ३, २०७६
  • मिर्मिरे अनलाइन

  • 13.2K
    SHARES

काठमाडौँ, पुस ३ ।
सङ्घीय–संसद्को पाँचौँ अधिवेशन भोली देखि सुरु हुँदै छ । अधिवेशनको पहिलो बैठकको अध्यक्षता उप सभामुख शिवमाया तुम्बाहाफ्ेले गर्नु हुनेछ । संसद बैठकको शुरुवात गरेरमात्र राजीनामा दिने उहाँको अडानमा नेकपा नेतृत्व सहमत भएपछि भोलीको बैठक उपसभामुखकै अध्यक्षतामा शुरु हुने भएको छ ।

प्रतिनिधिसभा नियमावलीमा बैठकको शुरु र अन्त्य सभामुखले गर्ने भनिएको छ । सभामुख र उपसभामुख दुवै नभएको अवस्थामा भने जेष्ठ सदस्यले अध्यक्षता गर्ने भनिएको छ । नेकपाले सभामुख निर्वाचनका लागि उपसभामुख तुम्बाहाम्फेलाई राजीनामा गर्न भनेको छ ।

उहाँले सभामुखमा दाबी गरिरहनु भएको छ । पहिलो बैठकको शुरु गरेरमात्र राजीनामा दिने उहाँको चाहना अनुसार संसदीय दलका उपनेता सुवास नेम्वाङले सहजीकरण गरिदिएको नेकपा स्रोतले जनाएको छ । प्रतिनिधिसभा नियमावलीले नबोले पनि उपसभामुखले बैठकको अध्यक्षता गर्न लागेको संसद सचिवालय स्रोतले जनाएको छ ।

पूर्वसभामुख समेत रहेका नेम्वाङले सभामुख नभएको अवस्थामा उसले गर्ने काम उपसभामुखलाई गर्न नियम कानुनले नरोकेको बताउनु भयो । तुम्बाहाम्फेले बिधेयक प्रमाणिकरण बाहेक सभामुखले गर्ने सबै काम गर्न थालेपछि प्रमुख विपक्षी नेपाली कांग्रेसले बिरोध गरेको छ ।

नेकपा स्रोतका अनुसार पहिलो बैठकको शुरुवात गरेर सभामुख निर्वाचनको कार्यतालिका सार्वजनिक गरेपछि तुम्बाहाम्फेले उपसभामुखबाट राजीनामा दिनेछिन् । नेकपाले कसलाई सभामुख बनाउने भन्ने टुंगो लगाइसकेको छैन । अधिवेशनसँगै भावी सभामुख चयन र सदनको काम कारबाहीका विषयमा सचिवालयले तयारी थालेको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ