काठमाडौं, २९ मंसिर ।
नेपाली कांग्रेस केन्दीय कार्यसमितको बैठक आज बस्दैछ । यसअघि बिहीबार रामचन्द्र पौडेल पक्षले बहिस्कार गरेपछि आजका लागि बैठक सारिएको हो ।
त्यसपछि सभापति देउवाले असन्तुष्ट पौडेल पक्षलाई सहमतिमा ल्याउन विभिन्न छलफल गर्नुभएको थियो । सभापति देउवा हिजो बिहान नेता पौडेल निवास पुगेर सहमतिका लागि तयार रहेको बताउनु भएको थियो ।
उहाँले पौडेल पक्षको माग अनुसार नै अघि बढ्ने प्रतिवद्धता जनाउनु भएको नेताहरुले जनाएका छन् ।
बैठकमा दुवै नेताहरुले समस्या समाधानका लागि सहमति खोज्न दोस्रो तहका नेतालाई जिम्मा लगाएका थिए । हिजो साँझ पौडेल पक्षका नेता प्रकाशमान सिंह र देउवा पक्षका विमेन्द्र नीधिको नेतृत्वमा सिंह निवास चाक्सिबारीमा छलफलसमेत भएको बताइएको छ ।
पछिल्लो समय सभापति देउवा र वरिष्ठ नेता पौडेलबीच सहमति नहुँदा कांग्रेसमा बढ्दै गएको विवाद सतहमा आएको छ ।