नेकपाको स्थायी कमिटी बैठक एक वर्षपछि बस्दै, यस्ता छन् बैठकका एजेण्डा

नेकपाको स्थायी कमिटी बैठक एक वर्षपछि बस्दै, यस्ता छन् बैठकका एजेण्डा

  • आइतवार, मंसिर २९, २०७६
  • मिर्मिरे अनलाइन

  • 8.5K
    SHARES

काठमाडौं, मंसिर २९ ।
सत्तारूढ दल नेपाल कम्युनिस्ट पार्टीको स्थायी समिति बैठक आज बस्दैछ । पार्टी विधानअनुसार स्थायी समिति बैठक तीन तीन महिनामा बस्नुपर्ने भएपनि यो बैठक एक वर्षपछि बस्न लागेको हो ।

यसअघि विभिन्न कारण देखाउँदै बैठक बस्न सकेको थिएन । एक वर्ष बीचमा सचिवालयले गरेको संगठनात्मक निर्णय अनुमोदन गराउन, वामदेव गौतमलाई पार्टी उपाध्यक्ष बनाउन, राजनीतिक प्रतिवेदनअनुसार विधानको प्रस्तावना संशोधन गर्ने प्रस्ताव पारित गराउन र पार्टी कामको ६ महिने कार्ययोजना पारित गराउन स्थायी समिति बैठक बस्न लागेको नेताहरुले बताएका छन् ।

प्रवक्ता नारायणकाजी श्रेष्ठका अनुसार स्थायी समिति अगाडि सचिवालय बैठक बस्नेछ । सचिवालयले स्थायी समिति बैठकमा छलफलका लागि लैजाने एजेन्डा तय गर्नेछ ।

गत सोमबार बसेको सचिवालय बैठकले स्थायी कमिटी बैठकको मिति तय गरेको हो । दुई अध्यक्षबीच स्थायी समिति बैठकमा लग्ने एजेण्डा र अर्का अध्यक्ष पुष्पकमल दाहालले तयार पारेको राजनीतिक प्रतिवेदनमा छलफल भएको बताइएको छ ।

एक वर्षपछि बस्न लागेको स्थायी समिति बैठकलाई शीर्ष नेतृत्वले दुई दिनभित्र पार्टीका संगठनात्मक काम र आगामी योजनाको निर्णय लिन सक्ने तयारी छ । स्थायी समिति सदस्यहरूले भने पार्टी कामको समग्र समीक्षा र आगामी योजनाका विषयमा समय लिएर छलफल गर्नुपर्ने पक्षमा छन् ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ