गत २९ सेप्टेम्बर बाट भारतले प्याज निर्यात रोके पछि नेपाल बंगलादेश सहितका देशमा प्याजको अभाव र भाउ बढे पछि नेपाल चीनतिर अघि बढेको आजतकले खबर लेखेको छ ।
आजतकको अनलाईन संस्करणमा प्रधानमन्त्री केपी ओलीको तस्वीर समेत राखेर लेखिको छ भारतमा पछिल्लो हप्ताहरुबाट प्याजको मुल्य आकासिएको छ यसको असर आयात निर्यातमा पनि देखिएको छ । नेपालमा पनि भारतीय प्याजको मुल्य बढेको थियो यस कारण नेपालले चीततिर अघि बढ्यो । भनेर उल्लेख गरिएको छ ।
समाचार संस्था आईएनएसका अनुसार नेपालले भारतबाट ९० प्रतिशत प्याज ल्याउने गरेको थियो । तर आजभोली लगभग प्रतिदिन ४० टन प्याज चीनबाट नेपाल भित्रिरहेको छ । यसका कारण नेपाली बजारमा प्याजको मुल्य स्थिर भएको छ ।
भारतीय प्याजको मुल्य प्रतिकिलो २ सय ४० रुपैया सम्म रहेकोमा अहिले चीनको प्याज आए पछि एक सय ९० रुपैया सम्म सीमित भएको समाचारमा उल्लेख छ ।
