काठमाडौं, मंसिर ५ ।
ऊर्जा उत्पादकहरूको संस्था नेपाल (इपान) को आयोजनामा आजदेखि काठमाण्डौमा पावर समीट २०१९ सुरु हुँदै छ ।
नेपालका उपप्रधानमन्त्री, ऊर्जा मन्त्री र अर्थमन्त्रीसहित बंगलादेश र भुटानका ऊर्जा मन्त्रीसमेत सहभागी हुने समीटमा स्वदेशी तथा विदेशीसहित ७५० ऊर्जा्विद् र सरोकारवालाहरु सहभागी हुनेछन् ।
सम्मेलनमा भारतबाट १ सय भन्दा र बंगलादेशबाट ३५ भन्दा बढी उच्चअधिकारी सहभागी हुने छन् । समीटमा विद्युत् व्यापार, यसको सम्भावना, आवश्यक पूर्वाधारलगायतका विषयमा केन्द्रित रहेर एक दर्जन सत्रमा छलफल हुन लागेको इपानका उपाध्यक्ष कुमार पाण्डेले जानकारी दिनुभयो । आयोजना निर्माण तथा ऊर्जा व्यापारका विषयमा १० सम्झौता समेत हुने छ ।
कार्यक्रमको उपप्रधान एवं रक्षामन्त्री ईश्वर पोखरेलले उद्घाटन गर्ने छन् ।समीटमा हुने छलफल तथा भारत, भुटान र बंगलादेशका प्रतिनीधिहरुसँग हुने बैठकले विद्युत् व्यापारको बाटो खोल्न फलदायी हुने अपेक्षा आयोजकको छ ।
