इटहरी, २७ कार्तिक ।
नेपाल कम्युनिस्ट पार्टीका सुनसरी जिल्ला सेक्रेटरीसहित तीन जनालाई प्रहरीले गिरफ्तार गरेको छ । जिल्ला सेक्रेटरी सुनसरी दुहबी न.पा. ८ बस्ने बर्ष ३१ को मोहन बस्नेत, युवाको जिल्ला संयोजक भोजपुर ट्याम्के मैयुम गा.पा. २ का ३५ बर्षिय सागर राई र धरान उ.म.न.पा. ११ बस्ने बर्ष ३९ को क्षितिज भन्ने सुरेश कुमार राईलाई प्रहरीले गिरफ्तार गरेको हो ।
बस्नेतलाई सुनसरी इटहरी ८ र अन्य दुई जनालाई रामधुनीबाट कार्तिक २६ गते गिरफ्तार गरेको प्रहरीले आज पत्रकार सम्मेलनको आयोजना गरि जानकारी दिएके हो ।
उनीहरुलाई वी।पी.कोइराला स्वास्थ्य बिज्ञान प्रतिष्ठान धरानको कम्पाउण्ड भित्र रहेको दिल्ली पब्लिक स्कुलको गेटमा भएको बम बिस्फोटसम्बन्धि मुद्धा लगाएर आजै म्याद थप गरेको पनि जनाईएको छ ।
१ न. प्रदेश प्रदेश प्रहरी कार्यालय, क्षेत्रिय अनुसन्धान समुह बिराटनगर र इलाका प्रहरी कार्यालय धरानको प्रहरी टोलीले उनीहरुलाई गिरफ्तार गरेको बताईएको छ ।