काठमाडौ, साउन १९ ।
अर्थमन्त्री डा. युवराज खतिवडाले सबै आर्थिक क्रियाकलापहरुलाई करको दायरामा ल्याउन राजस्व अनुसन्धान विभागलाई निर्देशन दिनु भएको छ ।
अर्थमन्त्री खतिवडाले देशको विकास, निर्माण र सामाजिक सुरक्षाको कार्यक्रमलाई दीगो र प्रभावकारी बनाउन आवश्यक आर्थिक व्यवस्था गर्न सबै आर्थिक क्रियाकलापहरुलाई करको दायरामा ल्याउनैपर्नेमा जोड दिनुभयो ।
आजदेखि ललितपुरमा सुरु भएको व्यवस्थापन गोष्ठीको उद्घाटन गर्दै उहाँले सरकारले सबै क्षेत्रको आर्थिक क्रियाकलापलाई करको दायरामा ल्याएर राजस्व संकलन गरी निजी क्षेत्र लगायत सबै नागरिकलाई सामाजिक सुरक्षा र देशको विकास, निर्माणको कामलाई तीव्रता दिने लक्ष्य लिएको दोर्होयाउनु भयो ।
उहाँले राजस्व संकलन तीन वर्षयता सन्तोष गर्ने ठाउँमा रहेपनि उत्साहजनक नरहेकाले सरकारले सबै आर्थिक गतिविधिलाई करको दायरामा ल्याउने कामलाई जोड दिएको स्पष्ट पार्नुभयो । उहाँले सरकारले स्वच्छ र पारदर्शी व्यवसाय चाहेको धारणा राख्नुभयो ।
