काठमाडौं, २५ वैशाख । मध्यमस्तरीय करदाता कार्यालयले कर तिर्न सुचना जारी गरेपनि अझै तीन वटा कम्पनी कर तिर्न आएका छैनन् ।पहिलो चरणमा कार्यालयले कर नतिर्ने ३२ जनाको सूची पत्रिकामा प्रकाशन गरेकाे थियाे ।
कर नतिर्नेमा सुधीर बस्नेतको ओरियन्टल र कोहीनुर छ भने अखिलेश कुमारको परी फलफूल कम्पनी र अर्को लोक इलेक्ट्रोनिक्स सप रहेका छन् ।
कर तिर्न नआएकाको बैंक खाता रोक्का गर्न मध्यमस्तरीय करदाता कार्यालयले बैंशाख २ गते राष्ट्र बैंकलाई पत्र पठाइसकेको छ । तर राष्ट्र बैंकले बैंकहरुलाई खाता रोक्न परिपत्र गरेपनि बस्नेतको खाता यस अघि नै रोक्का भइसकेको बुझिएको मध्यमस्तरीय करदाता कार्यालयका प्रमुख कर प्रशासक झक्क आचार्यले बताए ।
करदाता कार्यालयले लगातार कर नतिर्ने र सम्पर्कमा पनि नआउने करदाताको नाम कर तिर्न आउने १५ दिनको समय दिएर राष्ट्रिय दैनिकमा प्रकाशित गर्ने गर्छ ।
राष्ट्रिय दैनिकमा सुचना प्रकाशित गरेपछि करदाताहरु धमाधम कर तिर्न आउने गरेको मध्यमस्तरीय करदाता कार्यालयले जनाएको छ ।
