रौतहट, २५ फागुन ।
प्रधानमन्त्री केपी शर्मा ओलीले सरकारविरुद्ध फेहरिस्त बनाउनु भन्दा प्रदेश –२ मा विकासको योजना बनाउन राष्ट्रिय जनता पार्टी(राजपा)लाई सुझाव दिएका छन्।
नेपाल कम्युनिष्ट पार्टी(ने क पा) प्रदेश–२ कमिटीले शनिबार रौतहटमा आयोजना गरेको आमसभामा बोल्दै प्रधानमन्त्री ओलीले सरकारको बिरोध गरेर भन्दा देशको विकास र प्रदेशको विकासका लागि योजना बनाउन समय खर्चन सुझाव दिए ।
उनले सदरमुकाम जोड्ने सडक, सिचाइ, रेलमार्ग, हुलाकी मार्ग, कृषि लगायतका विषयमा सरकारले ठोस कार्यक्रमहरु संचालन गर्दै आएको दाबी समेत गरे । यस्तै प्रधानमन्त्री ओलीले ‘बेटी बचाऔं, बेटी पढाऔं’ अभियानको प्रशंसा गर्दै प्रधानमन्त्री ओलीले समग्र मधेसको विकास तथा समृद्धिको अभियानमा लाग्न आग्रह समेत गरे ।
कार्यक्रममा नेकपाका अध्यक्ष तथा पुर्व प्रधानमन्त्री समेत रहेका पुष्पकमल दाहाल प्रचण्ड र वरिष्ठ नेता तथा पुर्वप्रधानमन्त्री माधव कुमार नेपाल पनि सहभागी थिए।