काठमाडौं, २२ फागुन । पूर्वपधानमन्त्री तथा नयाँ शक्ति नेपालका नेता डा. बाबुराम भट्टराईले सबै पक्षलाई समेट्नका लागि राष्ट्रिय सहमतिबाट संविधान संशोधन गरेर अघि बढ्नुपर्ने बताएका छन् ।
बुधबार संघीय संसदलाई सम्बोधन गर्दै भट्टराइले संबिधान कै कारण मुलुकमा द्धन्द भईरहेको भन्दै समाधानका लागिसंविधान संशोधन गर्नुपर्ने बताए ।
विप्लव नेतृत्वको नेकपा, मधेस तथा पूर्व लिम्बुआनका युवाहरुको संविधानका कारण असन्तुष्टि ब्यापक बढेकोले उनीहरुको गुनासो सम्बोधन गर्नुपर्ने भट्टराईको भनाई थियो ।
यस्तै उनले द्वन्द्ध व्यवस्थापनको काम सम्पन्न गर्न पनि सरकारलाई सुझाव दिदै भने, ‘फरगिभ एन्ड फर्गेटको आधारमा अघि बढ्नुपर्छ । यसको विकल्प पनि छैन । कसलाई दण्डित गर्नुपर्छ गरौँ । साथीहरुलाई अझै रिस बाँकी छ भने दण्डित गर्नुहोस, म दण्डा भोग्न तयार छु । तर यसले समृद्धिको बाटो छेकेको छ ।’
डा. बाबुराम भट्टराईले प्रत्यक्ष कार्यकारी राष्ट्रपतीय प्रणालीमा जानुपर्ने बताए ।साथै विश्व पुँजीवादमा प्रवेश गरिसकेको अवस्थामा नेपालले पनि आफूलाई प्रतिष्पर्धी बनाउनुपर्ने उनको भनाइ थियो ।