काठमाडौँ, २२ फागुन । नेकपाका अध्यक्ष तथा प्रधानमन्त्री केपी ओली त्रिवि शिक्षण अस्पताल (टिचिङ) मा भर्ना भएका छन् ।
मुटुको नियमित जाँचका लागि भन्दै बुधबार अस्पताल पुगेका प्रधानमन्त्री ओलीलाई अब्जरभेसनमा राख्नुपर्ने भएकाले भर्ना गरिएको विवि अस्पतालले बिज्ञप्ती निकालेर जानकारी दिएको छ ।
ओली मुटुको जाँचका लागि मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना भएका थिए । थप परीक्षण गर्नुपर्ने देखिएको भन्दै अब्जरभेसनमा राखिएको मनमोहन कार्डियोथोरासिक भास्कुलर तथा ट्रान्सप्लान्ट सेन्टरले विज्ञप्तिमार्फत जनाएका छन्।
प्रधानमन्त्रीका प्रेस विज्ञ रामशरण बजगाईका अनुसार निजी चिकित्सको सल्लाहमा वीरगन्ज जाने कार्यक्रम रद्द गरेर प्रधानमन्त्री ओली अस्पताल गएका हुन् ।
प्रधानमन्त्रीको स्वास्थ्य परीक्षण प्रा. डा. अरुण सायमी नेतृत्वको टोलीले गरिहरेको सेन्टरका कार्यकारी निर्देशक डा. उत्तमकृष्ण श्रेष्ठले बताएका छन् । प्रधानमन्त्री ओली गत कात्तिकमा पनि टिचिङमा भर्ना भएका थिए।
