आफू अनुकूल विधान बनाउने नेताहरुको कसरतले कांग्रेसमा किचलोः कहिले जुट्ला सहमति ?

आफू अनुकूल विधान बनाउने नेताहरुको कसरतले कांग्रेसमा किचलोः कहिले जुट्ला सहमति ?

  • आइतवार, फाल्गुन १२, २०७५
  • मिर्मिरे अनलाइन

  • 8.6K
    SHARES

काठमाडौं, फागुन १२ । महासमिति बैठक सकिएको दुई महिना बितिसक्दा पनि नेपाली कांग्रेसले विधान अनुमोदन गर्न सकेको छैन । पार्टीभित्रको आन्तरिक झगडा र महाधिवेशनबाट नेतृत्वमा पुग्नका लागि आफूअनुकूल विधान बनाउने नेताहरुको कसरतले विधान अनुमोदन हुन नसकेको हो ।

विधानका विषयमा सहमति जुटाउन नेपाली कांग्रेस केन्द्रीय समिति बैठक आज बस्दै छ । यसअघि विधान टुंगो लगाउन बिहीबार बोलाइएको बैठक सहमति हुन नसकेपछि बस्दै नबसी स्थगित भउकाे थियाे ।

पार्टी कार्यालय सानेपामा बिहान ११ बजेपछि बस्ने बैठकमा विधानका विषयमा छलफल हुने बताइएको छ । महासमिति बैठकले अनुमोदन गरेको विधान केन्द्रीय समितिले पारित गर्न नसक्दा कांग्रेसमा किचलो हुँदै आएको छ ।

कांग्रेसभित्र पार्टी विधानमा स्वतः महाधिवेशन र क्षेत्रीय प्रतिनिधि बन्ने प्रावधान राख्ने कि नराख्ने विषयमा मुख्य विवाद छ । संस्थापन पक्ष पदाधिकारी र केन्द्रीय सदस्यहरुलाई स्वतः महाधिवेशन र क्षेत्रिय प्रतिनिधि बन्न पाउने प्रावधान राख्ने पक्षमा छ भने संस्थापनइतर महाधिवेशन र क्षेत्रीय प्रतिनिधि बन्न बुथबाटै निर्वाचित हुनुपर्ने प्रावधान राख्नुपर्ने अडानमा छ ।

तर, सहमहामन्त्री डा. प्रकाशशरण महत विधानलाई सर्वसम्मत् अनुमोदन गर्ने प्रयासका कारण ढिलाइ भएको जिकिर गर्छन् । उता, संस्थापनइतर पक्षका नेता नवीन्द्रराज जोशीले महासमितिले दिएको ‘म्यान्डेट’बाट संस्थापन पक्ष पछि हटेकाले विधान अनुमोदनमा ढिलाइ भइरहेको जिकिर गर्छन् ।

यस्तै बैठकमा नेपाल विद्यार्थी संघको तदर्थ समिति गठनका विषयमा समेत छलफल हुने बताइएको छ । नेविसंघ विघटन भएपछि महाधिवेशनका लागि तदर्थ समिति गठन गर्नुपर्ने भए पनि पार्टीभित्र ३२ वर्षे उमेर हदका विषयमा सहमति जुट्न सकेको छैन ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ