सगरमाथामा अभियानको आवधिक समिक्षा सम्पन्न, सत्ता टिकाउन तराइलाई डुवाउने सड्यन्त्र सफल हुन दिदैनौँः विरही

सगरमाथामा अभियानको आवधिक समिक्षा सम्पन्न, सत्ता टिकाउन तराइलाई डुवाउने सड्यन्त्र सफल हुन दिदैनौँः विरही

  • मङ्लबार, फाल्गुन ७, २०७५
  • मिर्मिरे अनलाइन

  • 13.4K
    SHARES

काठमाडौँ, ७ फागुन ।
नेपाल कम्युनिस्ट पार्टीद्धारा माघ १ गतेदेखि सञ्चालित ‘सङ्गठन सुदृढीकरण तथा विस्तार अभियान– २ देशव्यापी चलिरहेको छ । अभियन्ताहरूले ठूलो आर्थिक सङ्कट र सरकारी दमनकाबीच दृढ मनोबल र इच्छाशक्तिले अभियान सञ्चालन गरिरहेका छन् । अभियानै क्रममा बिभिन्न व्युरोले आवधिक समिक्षा पनि सम्पन्न गरेका छ ।
उता पूर्वी कमाण्ड अन्तरगत सगरमाथा ब्युरोमा उदयपुर जिल्लाको चुरे पर्वत शृङ्खला महाभारतको पखेरामा अभियान सञ्चालित छ । उक्त अभियान एक महिना भएको सन्दर्भमा आवधिक सिंहावलोकन (समीक्षा) फागुन ५ गते बेलका न.पा. ५, खारखोलामा सम्पन्न भएको अभियान टोलीका प्रमुख तथा पार्टी केन्द्रिय सदस्य सन्जिवले जानकारी दिए ।
समिक्षा कार्यक्रमका प्रमुख अतिथि तथा पार्टीका पूर्वी कमान्ड इन्चार्ज अनिल विरहीले ‘सामाजिक दलाल व्यवस्थाको कारण देश राजनीतिक–आर्थिक सङ्कटमा फस्दै गएको’ राष्ट्रिय अस्मितामाथि खेलबाड भएको’ बताएका छन् ।
उनले सगरमाथामा सञ्चालित अभियानका अभियन्ताहरूलाई देशको राजनीतिक सङ्कटलाई संसदीय व्यवस्थाकै सङ्कटका रूपमा अथ्र्याउँदै वैज्ञानिक समाजवादी क्रान्तिको विकल्प अनिवार्य भएको जिकिर गरे ।
उनले सागरमाथा र कोशी अञ्चलका लाखौँ जनताको उठीबास गराउन तराईलाई भयानक जोखिममा पार्ने सड्यन्त्र भईरहेको बताए । उनले भने ‘दलाल सत्ता टिकाउन दिल्लीको आशीर्वाद प्राप्त गर्नका लागि प्रस्तावित कोशी उच्चबाँध बनाउने जिम्मा भारतीय कम्पनिलाई दिएका छन्, हामि यसलाई कुनै हालतमा सफल हुन दिदैनौ, कोशी उच्च बाध बनाउन हाम्रो पार्टीले दिदैन ।’
अभियानका कमान्डर तथा केन्द्रीय सदस्य अमर झाँक्री सन्जिवले क्रान्तिलाई विज्ञानसँग तुलना गर्दै भने, ‘ क्रान्ति विज्ञान हो तर व्यक्तिले मात्र जित्न सकिन्न । जनशक्ति र दृढ मनोबल पनि आवश्यक हुन्छ । त्यसैले क्रान्ति भनेको कला पनि हो । अभियान क्रान्ति गर्ने कला हो ।’

यस्तै पार्टीका अर्का केन्द्रीय सदस्य निर्मलले देशको वस्तुगत अवस्था क्रान्तिका लागि अनुकूल बन्दै गएको चर्चा गरे । यहि अनुकुल परिस्थितीको उपयोग गर्दै क्रान्तिका लागि आत्मगत तयारी स्वरुप पार्टीले अहिले दोश्रो चरणको अभियान सन्चालन गरेको उनको भनाई थियो ।


अभियान असफल पार्न प्रशासनले पटकपटक आफ्ना कार्यकर्ता गिरफ्तार गरेको घटनाप्रति सबैजसो वक्ताहरूले आक्रोश पोखेका थिए । कार्यक्रममा नेता शैलेश, भोजपुर जिल्ला इन्चार्ज ज्ञानु, प्रेम, भोजबहादुर, सुमत, किरण विष्ट, केशव, दीपक (झापा) तिलक लामा (धनुषा), दुर्गा (मोरङ), अखिल (ताप्लेजुङ), अशोक (मोरङ), पूर्ण लामा, डीबी, शङ्कर (नुवाकोट), जितबहादुर, अभिषेक, मीनराज गिरी (कैलाली), नवीन, सुप्रिम, श्याम, प्रशान्तलगायतले आफ्नो कार्यक्षेत्रको प्रगतिविवरण (रिपोर्टिङ) प्रस्तुत गरेका थिए ।
लामो समय जेल बसेका जेलमा हातको घडी बेचेर खर्च टारेका वैद्यसँग विद्रोह गरेर पार्टी निर्माण गर्दा उदयपुरमा संस्थापक (पहिलो पहलकर्ता) समेत रहेका बाबुराम सुवेदीले पार्टीमा आफ्नो अथाह पीडा र समस्या कहिल्यै नराखेको सन्दर्भ प्रशान्तले राखेका थिए । कार्यक्रममा शैलेशले क्रान्तिका ५ आधारलाई ४ सङ्गगठनात्मक इलाकासँग जोड्न अभियान सञ्चालन गरिएको बताएका थिए ।
कार्यक्रमको अध्यक्षता अभियान टोलीका प्रमुख अमर झाँकी र सञ्चालन सगरमाथा ब्युरोका वरिष्ठ सदस्य तथा कार्यालय सचिवसमेत रहेका शैलेशले गरेका थिए । टोलीले ८ हजार पर्चा, ४ सय रातो खबर साप्ताहिक वितरण गरेको जनाइएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ