तन मन नजोडिएको एमाले-माओवादी , जनयुद्ध दिवसमा आउँछु भन्दा भन्दै ओली नआएपछि प्रचण्ड धुम्बाराहिमा एक्लै !

तन मन नजोडिएको एमाले-माओवादी , जनयुद्ध दिवसमा आउँछु भन्दा भन्दै ओली नआएपछि प्रचण्ड धुम्बाराहिमा एक्लै !

‘जनयुद्ध’भन्दा अगाडि जनआन्दोलनका सहिद

  • बुधबार, फाल्गुन १, २०७५
  • मिर्मिरे अनलाइन

  • 16.8K
    SHARES

काठमाडाैं, १ फागुन ।
युद्ध कालमा आतंककारी र प्रतिक्रियावादीको आरोप प्रत्यारोप गरेर आएका तत्कालिन नेकपा एमाले र नेकपा माओवादी केन्द्र मिलेर नेपाल कम्युनिस्ट पार्टी(नेकपा) पार्टी एक बनाएको करिब एक बर्ष भएको छ । केपी ओली र  प्रचण्ड दुबैजना मुठी कसेर बाम गठबन्धन हुदै पार्टी एकता गर्दा जुन खुसी थिए, त्यो क्रमशः कमजोर र फितलो देखिदै गएको छ ।
बुधबार त धुम्बाराहिमा केहि अनौठो भयो ।  यो कार्यलय भुकम्प पछि बल्खुबाट एमालेले सारेको हो । त्यो कार्यलयमा पार्टी अध्यक्ष केपि ओलि सहित कार्यलय बनाउने मुख्य पात्रहरु गएनन् । त्यसमा पछि एकता गरेर जाने अध्यक्ष प्रचण्ड सहितका नेताहरु पुगे ।
प्रधानमन्त्री ओली नेतृत्वको पार्टी नेकपाले बुधवार आफ्नै पार्टी कार्यालय धुम्बाराहीमा ‘जनयुद्ध दिवस’ मनायाे तर ओली स्वयं कार्यक्रममा उपस्थित भएनन् ।नेकपा इतिहासमै यो सम्भवतः पहिलो त्यस्तो कार्यक्रम हो, जहाँ पार्टीकै शिर्ष नेताहरु उपस्थित भएनन् । धुम्बाराहीमा भव्य कार्यक्रम भइरहँदा पार्टीकै जिम्मेवार नेताहरु नै उपस्थित रहनुले एकता नामकाे मात्रै भएकाे अनुमान लगाउन कठिन छैन । अर्काेतर्फ एमालेले विगत जस्तै एकतापछि पनि जनयुद्वबारे अभिब्यक्त गर्ने धारणा नफेरीएकाे प्रष्ठ हुन्छ ।
हुन त पुर्व एमाले नेताहरुलाइ मनाउनकै लागी जनयुद्ध दिबसलाइ जनयुद्ध र जनआन्दोलनका शहीदलाइ श्रद्धाञ्जली भनेर राखियो । र पनि देशै भरी एमालेका मुख्य नेता नगए पछि कार्यक्रम एक पाटो जस्तो मात्र देखियो ।ओलीसँगै उनकै क्याबिनेटका उपप्रधानमन्त्री तथा नेकपा नेता ईश्वर पोखरेल, प्रदीप ज्ञवाली लगायत थुप्रै तत्कालिन एमाले नेताहरु आफ्नै
पार्टी कार्यालयमा भएको भव्य कार्यक्रममा देखिएनन् ।
अधिकांश तत्कालिन एमाले नेताहरु उपस्थित नै थिएनन् । अध्यक्ष ओलीसहित माधव नेपाल, झलनाथ नै उपस्थित भएनन् । पुर्व एमाले नेता माधव कुमार नेपालले जनयुद्ध दिवस मनाउने निर्णय प्रचण्डको नीजी भएको भन्दै आफुहरुले नमान्ने बताएका छन् ।
यसले स्पष्ट के देखियो भने पुर्व एमाले जनयुद्ध स्विकार्ने स्थितिमा छैन । माओवादी एमाले एकता सिद्धान्त , बिचार भन्दा बढी चुनाव र बहुमत प्राप्त गरि सत्ता चलाउन आ आफ्ना बाध्यता का कारण एक भएको देखिन्छ ।
यो एकता ए कता ? हुने त हैन ?
पार्टी एकताको समयमा अहिलेको परिवर्तनको आधार जनआन्दोलन र जनयुद्धलाई मानियो। पार्टीका आधिकारिक दस्तावेजमा जनआन्दोलन र जनयुद्धलाई सँगै लैजाने प्रयास भए पनि बुधवार धुम्वाराहिमा देखिएकाे गतिविधिले शिर्षस्थ पूर्व एमाले नेताहरू नै  जनयुद्ध स्विकार्ने स्थितिमा छैनन् । नेकपाले तल्लो तहसम्म त झन यस विषयमा बहस चलाउन नै सकेको छैन। तल्लो तहसम्म पार्टी एकीकरणको कामसमेत अहिलेसम्म सकिएको छैन। एकीकरणका लागि बनेको चौथो कार्यदल अहिले प्रतिवेदन दिन नसकेर अलपत्र अवस्थामा छ।
बुधबार दिउँसो जनकपुरमा बोल्दै एमाले नेता तथा पूर्वप्रधानमन्त्री माधव नेपालले यो कुरालाई झनै मलजल गरे। उनले भने, ‘जनयुद्ध दिवस मनाउने निर्णय पार्टीको नभई व्यक्तिगत हो।’ पार्टीको नभए यो कसको निर्णय थियो त? प्रश्न उठ्नु स्वाभाविक हो। हुन त एमाले भित्रै थुप्रै गुट उपगुट थिए ती एकतापछि पनि यतावत छन् ।

यी दुइ पार्टीबीच एकता नै आ आफ्नाे स्वार्थमा भएकाे भन्ने कुरा पछिल्लाे समय थप  बलियाे समेत बन्दै गएकाे छ। केहि समय अघि मात्रै भनेजुएला प्रकरणामा पनि दुइ अध्यक्षबीच मतभेद भएपछि प्रचण्डले फेरी अर्काे माओवादी जन्मने र झन ठुलाे युद्व हुने चेतावनी दिन भ्याएका थिए । बुधवार ओलीले पनि जनयुद्वलाइ स्वीका नगर्ने एमालेकाे अडान कायमै रहेकेा संकेत दिए ।   अहिले पनि दुईटा दलको शिर्ष तहमा एकता भएकाे जस्ताे देखिएपनि विचार भने अलग छ। वैचारिक रुपमा पार्टी एकीकरण भएकै छैन भन्न यस्ता घटनाक्रमले बल पुर्याउछ । वैचारिक एकीकरण भएको भए यस्तो समस्या आउने नै थिएन।’

धुम्बाराहिमा आयाेजित कार्यक्रमकाे मुख्य वक्ता प्रचण्ड थिए। उनको एक छेउमा थिए सुभाव नेम्वाङ, अर्को छेउमा विष्णु पौडेल, युवराज ज्ञवाली, अमृत बोहोरा, टोपबहादुर रायमाझी, पम्फा भुसाल लगायत । कार्यक्रममा अधिकांश नेताले पालैपालो सहिदहरुलाई माल्यार्पण गरेर लालसलाम टक्र्याउँदै श्रद्धाञ्जली अर्पण गरेका थिए ।

उता प्रचण्ड लगायत उनी निकट पूर्व माओवादी नेता तथा कार्यकर्ताको समुहले पेरिसडाँडामा पुगेर आफ्ना सहिदको शालीकमा माल्यार्पण गरेका थिए । जब कि, पूर्व एमाले नेताहरुलाई यो कार्यक्रम सायद थाहै थिएन ।

‘जनयुद्ध’भन्दा अगाडि जनआन्दोलनका सहिद, पूर्व माओ वादी कार्यकर्ता चकित
माओवादीले २०५२ साल फागुन १ गते आजकै दिन ‘जनयुद्ध’ सुरु गरेको उपलक्ष्यमा दिवस मनाउँदैआएको थियो । नेकपा गठनपछि पहिलो औपचारिक दिवस आजै भएको हो ।
फागुन १ नितान्त रुपमा माओवादी भुमिगत युद्धमा हाेमिएकाे दिनकाे सम्झनामा मनाउने गरिन्छ । यसकाे एमालेजनहरू घाेर विराेधी थिए ।  तर त्यही ‘जनयुद्ध दिवस’ ‘डाइभर्ट’ भएर ‘जनआन्दोलन तथा जनयुद्धका सहिद’को सम्झनामा रुपान्तरण भयो । ब्यानरमै ‘जनआन्दनेलनका सहिद’ भनी लेखिएको थियो । यसले ‘जनयुद्ध’को मर्म र उद्देश्य समेट्दैन ।

अघिल्लो वर्ष तत्कालीन एमालेका अध्यक्ष केपी शर्मा ओली पेरिसडाँडा आउने भनेर प्रचार गरिए पनि अन्तिममा सहभागी भएका थिएनन् । त्यसैले यो पटकको कार्यक्रम धुम्बाराहीमै राखियो । तैपनि प्रधानमन्त्री ओली सहभागी भएनन् ।

उता प्रधानमन्त्री ओलीले राष्ट्रिय सभागृहमा आयोजित प्रधानमन्त्री स्वरोजगार कार्यक्रममा सहभागी थिए ।त्यहिबाट हरेक वर्ष फागनु १ गतेको दिनलाई ‘रोजगार दिवस’ रुपमा मनाइने घोषणा गरे । उच्च स्रोतका अनुसार प्रचण्डसँग जन आन्दोलन पनि जोडेपछि कार्यक्रमा आउछु भने पनि पछि नआएका हुन धुम्बाराही ।तल्लो तह सम्म एकता नहुदै देखा परेको यो असमझदारीले उनिहरुको एकता कहिले सम्म टिक्ला ? भनेर चर्चा शुरु भएको छ । सामाजिक सन्जालमा समेत याे बिषय चर्चाकाे केन्द्रमा रहेकेा छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ