काठमाडौ, २४ माघ। नेपाल कम्युनिस्ट पार्टी धादिङले भाेली जिल्ला बन्दकाे घाेषणा गरेकेा छ । बुधवार गिरफ्तार गरिएका तीन जना जबस-संगठनका युवा नेताकाे रिहाइकाे माग गर्दै बन्द आह्वान गरेकेा हाे ।
पार्टीका जिल्ला सेक्रेटरी बुद्धले बिहिवार बिज्ञप्ती जारी गरी आज मशाल जुलुस र भाेली बन्दकाे घाेषणा गरिएकाे जनाएका छन् ।
युवा सङ्गठन नेपालका केन्द्रीय सदस्य तथा काठमाडाैं जिल्ला अध्यक्ष कुवेर घिमिरे (सुरक्षा), युवा सङ्गठन धादिङका अध्यक्ष ईश्वर श्रेष्ठ (चट्टान) र अखिल नेपाल क्रान्तिकारी ट्रेड युनियन महासङ्घ धादिङका त्रिचन्द्र देवकोटा (इच्छुक) सहित तीनजनालाई बुधबार सिद्धलेक गाउँपालिका पुङ्चुङबाट वालपेन्टिङ गर्दागर्दै गिरफ्तार गरेको थियो । उनीहरूलाइ सङ्गठन सुदृढीकरण तथा विस्तार अभियानका क्रममा वालपेन्टिङ गरिरहेकेा अवस्थामा गिरफ्तार गरेकेा थियाे ।
उनले गिरफ्तारीमा परेका कार्यकर्तालाई तत्काल रिहा नगरे सशक्त प्रतिरोध गर्ने चेतावनी पनि दिएका छन् ।