सामाजिक संस्थामा जिम्मेवार भएर लाग्न सभामुखको आग्रह

सामाजिक संस्थामा जिम्मेवार भएर लाग्न सभामुखको आग्रह

  • शनिबार, माघ १९, २०७५
  • मिर्मिरे अनलाइन

  • 5K
    SHARES

घोराही, १९ माघ। 

सभामुख कृष्णबहादुर महराले सामाजिक संस्थामा काम गर्नेले जिम्मेवार भएर लाग्नुपर्ने बताउनुभएको छ ।

खानेपानी तथा सरसफाइ उपभोक्ता समिति घोराहीको १९आँै साधारणसभा एवं सातौँ अधिवेशन समारोहको उद्घाटन गर्दै उहाँले राजनीतिक पूर्वाग्रही भएर सामाजिक सङ्घसंस्थामा नलाग्न सम्बन्धीत सबैमा आग्रह गर्नुभयो ।

सभामुख महराले कुनै पनि राजनीतिक तुष नराखेर निस्वार्थ भई काम गर्दा समाजमा सुधारमा टेवा पुग्ने विश्वास व्यक्त गर्दै पछिल्लो समय राजनीतिक गर्न कै लागि सामाजिक सङ्घसंस्थामा बस्ने परिपाटी बस्दै गएकोप्रति चिन्ता व्यक्त गर्नुभयो ।

खानेपानीका स्रोत खोजेर उपभोक्तासम्म पानी पु¥याउनका लागि उपभोक्ता समिति सक्रिय भएर लाग्नुपर्नेमा उहाँले जोड दिनुभयो ।

सभामुख महराले भन्नुभयो, “खानेपानीको व्यवस्थापनमा सरकारले निकै चासो दिइरहेको छ, सहलगानी मार्फत खानेपानी योजना सम्पन्न गर्नका लागि राज्य सधै तत्पर देखिएको छ ।”

जनतालाई खानेपानी व्यवस्थापन सँगसँगै वृक्षारोपण, वनजङ्गल संरक्षणमा पनि ध्यान दिन आग्रह गर्दै उहाँले मुहान खोजेर मात्र हुँदैन, अब मुहान बचाउनतर्फ पनि लाग्नुपर्छ भन्दै उहाँले गिट्टी, बालुवा, ढुङ्गा र चुन ढुङ्गाको अनियन्त्रित उत्खननका कारण पानीको मुहान सुक्न थालेकाले यसतर्फ सबै गम्भीर हुनुपर्ने धारणा व्यक्त गर्नुभयो ।

सांसद अर्जुन श्रेष्ठले पछिल्लो समय खानेपानी व्यवस्थापनमा समस्या देखिएको भन्दै त्यसमा ध्यान दिन समितिलाई आग्रह गर्नुभयो ।

प्रदेश नं ५ का प्रदेशसभा सदस्य अमरबहादुर डागीले खानेपानी संस्था सबैको साझा हो, यसमा सबै मिलेर जानुपर्छ भन्नुभयो ।

खानेपानी तथा सरसफाइ उपभोक्ता समिति घोराहीका अध्यक्ष देवीबहादुर डिसीको अध्यक्षतामा कार्यक्रम सम्पन्न भयो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ