काठमाण्डौ पुष १९ । प्रहरीले भारतीय कन्टेनरमा लुकाएर लगिदै गरिएको दुई सय ३५ किलो चरेस सहित २ जनालाई पक्राउ गरेको छ । एच आर ३८ एस ९३७१ नं को कन्टेनरमा प्लाष्टीकको बोरामा प्याक गरिएको अवस्थामा उक्त चरेस फेला परेको प्रहरीले जनाएको छ ।
चरेस सहित कन्टेनर चालक भारत उत्तर प्रदेशका सतेन्द्र सिंह बेघल र पर्साका लाल मोहम्मद गद्धीलाई नियन्त्रणमा लिएको प्रहरीले जनाएको छ । विशेष सुराकीकाे आधारमा लागु औसध व्यूराे काठमाडाैंबाट गएकाे टाेलीले धादिङ्ग गजुरी गाउँपालीका १ स्थित गजुरी बजारबाट मुग्लिङ चितवनतर्फ जादै गरेकाे ट्रकबाट चरेस सहित उनीहरूलाइ पक्राउ गरी कार्वाहिका लागि इलाका प्रहरी कार्यलय गजुरी, धादिङमा बुझाएकाे आज पत्रकार सम्मेलनकाे आयोजना गरी जानकारी दिइएकाे छ ।
गद्धी विगतमा पनि लागु औषधको कारोबारमा संलग्न रहदा ३ वर्ष जेल बसेका थिए । उनीहरुको बारेमा थप अनुसन्धान भईरहेको प्रहरीले जनाएको छ ।