अन्तर प्रदेश परिषदको बैठक सिंहदरवारमा

अन्तर प्रदेश परिषदको बैठक सिंहदरवारमा

  • आइतवार, मंसिर २३, २०७५
  • मिर्मिरे अनलाइन

  • 15K
    SHARES

२३ मंसिर, काठमाडौं ।  पहिलोपटक अन्तर प्रदेश परिषदको बैठक सिंहदरवारमा सुरू भएकाे छ । नयाँ संविधान बनेर संघीयता लागू भएपछि आइतबार प्रधानमन्त्री केपी शर्मा ओलीले बोलाउनु भएकाे बैठकमा सातै प्रदेशका मुख्यमन्त्रीहरु सहभागी छन् ।

बेठकमा प्रदेश र संघबीच राजनीतिक अधिकारका विषयमा केही विवादहरु देखिएका कारण ती विवाद समाधानकाे प्रयासबारे छलफल हुदैछ ।

पछिल्लो समयमा सातै प्रदेशका मुख्यमन्त्रीहरुले पोखरामा भेला आयोजना गरेर संघीय सरकारले अधिकारहरु नदिएको गुनासो गरेका छन् भने प्रदेश प्रहरी ऐनबारे प्रदेश २ र संघीय सरकारवीच विवाद छ ।

प्रदेश र संघका विवाद टुंग्याउन गत भदौ २५ मा बोलाइएको अन्तर प्रदेश परिषदको बैठक प्रधानमन्त्री केपी ओलीले स्थगित गरेपछि अहिलेसम्म बैठक बस्न सकेको थिएन ।

यस्तै आजकाे बैठकमा कानून निर्माण, कर्मचारी समायोजन लगायतका साझा समस्याहरुका बारेमा छलफल हुने बताइएकाे छ ।

सुरक्षा, प्रहरी प्रशासन लगायतका साझा एजेण्डाहरुका साथै ठूला आयोजना केन्द्रले, मझौला प्रदेशले र साना आयोजनाहरु स्थानीय तहले गर्ने गरी कुन आयोजना कसको मातहतमा रहने भन्ने स्पष्ट वर्गीकरण गरिनुपर्ने बिषयमा पनि छलफल हुनेछ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ