सरकार ‘नव युवराज’लाई जोगाउन लागिपरेको दाबी गर्दै अर्यालले भने- ‘निर्मला प्रकरणमा प्रहरीले बनाएका नयाँ अभियुक्त मोहरामात्रै’

सरकार ‘नव युवराज’लाई जोगाउन लागिपरेको दाबी गर्दै अर्यालले भने- ‘निर्मला प्रकरणमा प्रहरीले बनाएका नयाँ अभियुक्त मोहरामात्रै’

  • शनिबार, मंसिर २२, २०७५
  • मिर्मिरे अनलाइन

  • 11.7K
    SHARES

भक्तपुर, २२ मंसिर । नेपाल मानव अधिकार संगठनका केन्द्रीय अध्यक्ष इन्द्रप्रसाद अर्यालले निर्मला पन्त बलात्कार र हत्यामा प्रहरीले बनाएका नयाँ अभियुक्त मोहरामात्रै भएको दाबी गर्नुभएको छ ।
७० औं विश्व मानव अधिकार दिवसको अवसरमा संगठनको भक्तपुर शाखाले शनिवार आयोजना गरेको ‘न्याय, सुरक्षा र मानव अधिकार’ विषयक अन्तरक्रियामा अध्यक्ष अर्यालले सरकार ‘नव युवराज’लाई जोगाउन लागिपरेको दाबी गर्नुभयो ।
‘गायक प्रवीण गुरुङको दुर्घटनामा तात्कालीन युवराज पारसलाई जोगाउन नक्कली चालक अघि सारिएजस्तै अहिले नव युवराजलाई जोगाउन निर्मला पन्त बलात्कार र हत्या काण्डमा सरकारले अर्को नक्कली अभियुक्त अघि सारेको छ’, उहाँले भन्नुभयो, ‘सरकारी अंग आफै प्रमाण मेटाउँदै हिँड्ने अहिले नक्कली अभियुक्त अघि सारेर निर्मलाले न्याय पाउँदैन।’

अध्यक्ष अर्यालले आफूहरुले कञ्चनपुरसम्म पुगेर निर्मला पन्त बलात्कार तथा हत्या काण्डको स्थलगत निरीक्षण र अध्ययन गरेको जानकारी दिदैँ निलम्बन गरिएका प्रहरी उपरीक्षक डिल्लीराज विष्टमाथि फौजदारी मुद्धा चलाएर कारबाही अघि नबढाइएसम्म निर्मलाका बलात्कारी र हत्यारा पत्ता नलाग्ने स्पष्ट पार्नुभयो ।

संगठनका महासचिव महामुनिश्वर आचार्यले सुरक्षाकर्मीबीच नै असुरक्षा महसुस गर्नुपर्ने र न्याय माग्न अदालत जानुअघि न्यायाधीशहरुले न्याय दिँदैन कि भन्ने आशंका गर्नुपर्ने अवस्था आउनु दयनिय र दुर्भाग्यपूर्ण भएके बताउनु भयो ।

कार्यक्रममा महानगरीय प्रहरी परिसर भक्तपुरका प्रवक्ता प्रहरी नायब उपरीक्षक रेवतीरमण पोखरेलले करिब ७५ हजार प्रहरीमध्ये ०।०१ प्रतिशत प्रहरीको त्रुटि, कमजोरीलाई सिंगो प्रहरी संगठनमाथि आरोपित गर्न नमिल्ने बताउनु भयो ।

कार्यक्रममा नेपाल मानव अधिकार संगठन भक्तपुरका सल्लाहकारहरु श्यामसुन्दर धौभडेल, विश्वमोहन जोशी, हरिराम लवजू, शाखा सभापति रामकृष्ण मानन्धर र उपसभापति पशुपतिभक्त रायले पनि धारणा राख्नुभएको थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ