आज ३४ औं सार्क स्थापना दिवसः शिखर सम्मेलनकाे अन्याेलता कायमै, कुन देशले के भनेर शुभकामना दिए ?

आज ३४ औं सार्क स्थापना दिवसः शिखर सम्मेलनकाे अन्याेलता कायमै, कुन देशले के भनेर शुभकामना दिए ?

  • शनिबार, मंसिर २२, २०७५
  • मिर्मिरे अनलाइन

  • 10K
    SHARES

२२ मंसिर, काठमाडौं । अाजबाट दक्षिण एशियाली क्षेत्रीय सहयोग संगठन (सार्क) स्थापना भएको ३४ वर्ष लागेको छ । सन् १९८५ डिसेम्बर ८ मा बंगलादेशमा स्थापना भएको सार्क आज ३३ वर्ष पूरा भएर ३४ बर्षमा लागेकेा हाे । तर पछिल्लाे समय भारत र पाकिस्तानका कारण सार्ककाे शिखर सम्मेलन समेत हुन सकेकेा छैन ।

पाकिस्तानमा हुनुपर्ने शिखर सम्मलेनमा भाग लिन भारतले अस्वीकार गरेपछि नेपालले पाकिस्तानलाई अध्यक्षता हस्तान्तरण गर्न पाएको छैन । पछिल्लो समयमा भारतले सार्कलाई भन्दा बिमस्टेक फोरमलाई बढावा दिदै अार्कोएकाे छ ।

अाज सार्क बडापत्र दिवसको अवसरमा विभिन्न देशका सरकार प्रमुखहरुले सुभकामना सन्देश दिएका छन् ।

प्रधानमन्त्री केपी शर्मा ओलीले दक्षिण एशियाली क्षेत्रीय सहयोग सङ्गठन (सार्क) लाई पुनर्जीवन दिन तथा शिखर सम्मेलन समयमै आयोजना गर्न अति महत्वपूर्ण भएको बताउनु भएकाे छ ।

सार्कका अध्यक्षसमेत रहेका प्रधानमन्त्री ओलीले सार्क स्थापनाको ३४ औँ वार्षिकोत्सवका अवसरमा दिएको सन्देशमा सार्क प्रक्रियालाई गतिशील तुल्याउन शिखर सम्मेलन अति महत्वपूर्ण भएको बताउनु भएकाे हाे ।

सन् १९८५ मा सार्क स्थापना भएयता क्षेत्रीय सहयोगका विविध क्षेत्रमा सङ्गठनले प्रगति गरेकामा खुशी व्यक्त गर्दै ओलीले सदस्य देश र दक्षिण एशियाका जनतामा शुभकामना बधाई तथा ज्ञापन गर्नु भएकाेछ ।

वडापत्र दिवसका अवसरमा ओलीले दिएको शुभकामना सन्देशमा तीन दशक लामो यात्रामा सार्कले निरन्तर प्रगति गर्दै आएको भए पनि आशातीत लक्ष्य हासिल गर्न नसकेको यथार्थ औँल्याउँदै क्षेत्रीय सहयोगका निम्ति शान्ति–सुरक्षा अपरिहार्य भएको उल्लेख गर्नु भएकाेछ ।

त्यसैगरी पाकिस्तानका राष्ट्रपति डा. आरिफ आल्भीले विवादरहित दक्षिण आफ्नो परिकल्पना भएको बताउँदै सदस्य राष्ट्रबाट गरिबी, अशिक्षा, रोग, कुपोषण र वेरोजगारीविरुद्ध सामूहिक रुपमा मुकाबिला भइरहेको स्मरण गर्नुभएकाे छ।

श्रीलङ्काका राष्ट्रपति मैत्रीपाला सिरिसेनाले पनि दक्षिण एशियामा शान्ति र समृद्धि प्रवद्र्धन गर्ने उद्देश्यले स्थापना भएको सार्कले दक्षिण एशियालाई एकीकृत गर्ने प्रयास गरेको बताउँदै शुभकामना दिनुभएकाे छ । उहाँकाे शुभकामना सन्देशमा उक्त सङ्गठनको संस्थापकका नाताले श्रीलङ्काले सार्कका लक्ष्य र उद्देश्य पूरा गर्न सक्दो योगदान गरेको उल्लेख गर्नुभएकाे छ ।

यसै अवसरमा भुटानका प्रधानमन्त्री लोते छिरिङले दिएको शुभकामना सन्देशमा सार्कले आर्थिक, सामाजिक एवं सांस्कृतिक फाँटमा उल्लेखनीय प्रगति गरेको बताइएको छ ।

बङ्गलादेशका परराष्ट्रमन्त्री अबुल हसन महमुद अलीले दिएको शुभकामना सन्देशमा क्षेत्रीय सहयोगका धेरै क्षेत्रमा सार्कले सहकार्यका अवसर उपलब्ध गराएको बताउँदै क्षेत्रीय एकताको निम्ति सबै सदस्य मुलुक एक हुनुपर्ने जोड दिनुभएकाे छ ।

यसैगरी, मालद्विभ्सका विदेशमन्त्री अब्दुल्लाह साइले सार्कका सिद्धान्त, आदर्श, सहयोग एवं मैत्री, विविधतामा एकताप्रति आफ्नो देशको प्रतिवद्धता व्यक्त गर्दै आपसी मतभिन्नता त्यागेर सार्क क्षेत्र र यहाँका जनताको समृद्धिका निम्ति साझेदारी गर्नुपर्नेमा जोड दिनुभएकाेछ ।

अफगानिस्तानका उपविदेशमन्त्री अदेला राजले सार्कलाई क्षेत्रीय सहयोगको सुदृढ माध्यम बनाउन सदस्य मुलुकसँग मिलेर काम गर्ने प्रतिवद्धता व्यक्त गर्नुभएकाे छ।

त्यसैगरी सार्कका महासचिव अमजद हुसेन बी सियालले सबै सदस्य राष्ट्रप्रति शुभकामना व्यक्त गर्दै बडापत्रका लक्ष्य र उद्देश्य हासिल गर्न सफलता प्राप्त हुने विश्वास व्यक्त गर्नुभएकाे छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ