नेपाल र चीन जोड्ने लेन्दे खोलामाथिको मितेरी पुलको पुनर्निर्माण सुरु

नेपाल र चीन जोड्ने लेन्दे खोलामाथिको मितेरी पुलको पुनर्निर्माण सुरु

  • मङ्लबार, मंसिर ११, २०७५
  • मिर्मिरे अनलाइन

  • 10.4K
    SHARES

नेपाल र चीन जोड्ने रसुवागढीस्थित लेन्दे खोलामाथिको मितेरी पुलको पुनर्निर्माण सुरु भएको छ ।

प्रधानमन्त्री केपी शर्मा ओलीको चीन भ्रमणका क्रममा भएको सम्झौताअनुसार चीन सरकारको सहयोगमा मितेरी पुलको पुनर्निर्माण सुरु गरिएको हो ।

२०७२ साल वैशाख १२ गतेको भूकम्पले पुलमा क्षति भएपछि बेली ब्रिज राखेर यातायात सञ्चालन हुँदै आएको थियो ।

१ सय १४ मिटर लम्बाई तथा ९ दशमलब ५ मिटर चौडाई रहेको दुई लेनको पुल हाल सञ्चालनमा रहेको पुलभन्दा ५ मिटर उत्तर पूर्वमा निर्माण गर्न लागिएको हो ।

पुल निर्माणका क्रममा सहजीकरणका लागि दुई देशका अधिकारीबीच छलफलसमेत सम्पन्न भइसकेको छ ।

निर्माणका क्रममा चिनियाँ कामदारको आवास, पास, कंक्रिट मेसिनका लागि आवश्यक स्थान, पुल निर्माणमा आवश्यक माटो तथा ढुंगा र नेपालतर्फबाट निर्माण सामग्री खरिद गरि ल्याउनुपर्ने भएमा नेपाल सरकारले सहजीकरण गरिदिने ब्यवस्था मिलाइएको रसुवाका प्रमुख जिल्ला अधिकारी कृष्ण पौडेलले जानकारी दिए ।

निर्माण सुरु गरिएको पुल चिनियाँ ठेकेदारले सन् २०१९ को मेभित्र सम्पन्न हुने बताइएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ