काठमाडौँ, ३ मंसिर । मंसिर ८ काे जनप्रदर्शन नजिकिँदै गर्दा नेपाल कम्युनिस्ट पार्टीमाथि सरकारकाे दमन तीव्र भएकाे छ । सरकारले उसका नेता तथा कर्यकर्तामाथि गिरप्तार कार्यलाइ बढाएकाे छ ।
यसैबीच साेमबार मात्र नेपाल कम्युनिस्ट पार्टीका गोरखा जिल्ला इन्चार्ज सहित तीन जना गिरफ्तार परेका छन् । इन्चार्ज योगेन्द्र कुमाल, जीवन क्षेत्री, विद्यार्थीका जिल्ला अध्यक्ष शुसान सुवेदीसहित ३ जनालाई प्रहरीले गिरफ्तार गरेको हाे ।
यसअघि अाइतबार मात्र भापाकाे दमकमा नेकपाले सडकभित्तामा टाँस गरेकाे प्रचार पाेष्टर प्रहरीले च्यातेर दमनकाे संकेत दिइसकिएकाे थियाे ।
गण्डक ब्युरोे इन्चार्ज आस्थाले आफ्नो पार्टीका नेताकार्यकर्ताहरुलाई बिनाकारण गिरफ्तार गरेको भन्दै आपत्ति जनाइन् । उनीहरुलाई तत्काल रिहा गर्न माग गरेकी छन् ।
उनीहरुलाई साेमबार जिल्लाबाटै यही मंसिर ८ गतेको प्रचारप्रसार गरिरहेको अवस्थामा प्रहरीले गिरफ्तार गरेको नेकपा गण्डकले जनाएको छ ।