कन्चनपुर, १६ कार्तिक ।
कन्चनपुरमा सत्तारुढ दल नेकपा सहित बिभिन्न पार्टी आबद्ध आधा दर्जन नेताहरु विप्लव नेतृत्वको नेपाल कम्युनिष्ट पार्टीमा प्रवेश गरेका छन् ।
नेपाल कम्युनिस्ट पार्टी कंचनपुरको आयोजनामा कृष्णपुर नगरपालिका ५ मा भएको राजनीतिक क्रान्तिकारी धुर्विकरण कार्यक्रममा उनीहरुको नेकपाका पोलिटब्युरो सदस्य ओम प्रकाश पुन लगायतका नेताहरुले स्वागत गर्नुभयो ।
पार्टी प्रवेश गर्नेहरुमा सत्तारुढ नेकपाबाट कृष्णपुर नगरपालिका स्थानीय तह निर्वाचनमा उपमेयरकि उम्मेदवार शर्मिला थापा, वसन्त भट्ट, धन बहादुर बोहरा, करन खड्का, यज्ञ भट्ट र स्थानिय तह कृष्णपुर न.पा. वडा नम्बर ९ का अध्यक्षका स्वतन्त्र उम्मेदवार हिक्मत अवस्थी र राप्रपा बाट अरुण भट्ट रहेका छन् ।

नेकपा कन्चनपुरका सेक्रेटरी राजेन्द्र विष्टको अध्यक्षतामामा भएको कार्यक्रममा महाकालि ब्युरो सदस्य संघर्ष, वि पि लगायतका नेताहरुको सहभागीता थियो ।