चालु बजेट अधिवेशन आजदेखि अन्त्य हुँदै

चालु बजेट अधिवेशन आजदेखि अन्त्य हुँदै

  • बिहिबार, अशोज ११, २०७५
  • मिर्मिरे अनलाइन

  • 9.7K
    SHARES

काठमाडौ, असोज ११ ।
संघीय संसद्को चालु बजेट अधिवेशन आजदेखि अन्त्य हुँदैछ । आज दिउँसो १ बजे प्रतिनिधिसभा र २ बजे राष्ट्रियसभा बैठक बस्दैछन् । दुबै सदनबाट अधिवेशन अन्त्यको घोषणा गरिँदैछ ।

संसदको चालु अधिवेशन वैशाख २३ गतेबाट सुरु भएको हो । करिब पाँच महिनापछि बजेट अधिवेशन अन्त्य गर्न लागिको हो ।

प्रतिनिधिसभा सभामुख कृष्णबहादुर महराको निजी सचिवालयका अनुसार दिउँसो १ बजेको बैठकमा सदनमा प्रतिनिधित्व गर्ने राजनीतिक दलका शीर्ष नेताहरुले सम्बोधन गर्नेछन् ।

अधिवेशन अन्त्यका क्रममा दुबै सदनले अहिलेम्म गरेका काम कारबाहीको जानकारी दिनेछन् । चालु अधिवेशनमा सरकारको नीति तथा कार्यक्रममा छलफल र पारित गरेको थियो। यस्तै वार्षिक बजेट पेस भई पारित भएको छ ।

चालु अधिवेशनले नै प्रतिनिधिसभा तथा राष्ट्रियसभाको नियमावली पारित गरेको थियो। यस्तै, संघीय संसद्को संयुक्त सभा र समिति सञ्चालनसम्बन्धी नियमावली पनि यही अधिवेशनबाट पारित भएका हुन् ।

यस्तै, सरकारका तर्फबाट पेस भएका मौलिक हकका १६ कानुन दुबै सदनबाट पारित भई प्रमाणीकरण भइसकेका छन्। मौलिक हकबाहेक राहदानी विधेयक चालु अधिवेशनले पारित गरेको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ