काठमाडौं, असोज १० ।
प्रतिनिधिसभा बैठक आज बस्दैछ । दिउँसो २ बजे बस्ने बैठकमा राहदानी विद्ययेकमाथि छलफल र पारितको प्रक्रिया अघि बढ्ने संघिय संसद सचिवालयले जनाएको छ ।
सो विद्ययेक, अन्तर्रा्ष्ट्रिय सम्बन्ध समितीले हिजो प्रतिवेदनसहित प्रतिनिधिसभामा पेश गरेको थियो । सरकारी काम बाहेकमा पनि रातो पासपोर्ट प्रयोग गर्ने बिषयमा सहमति गर्दै समितीले विद्ययेक तयार पारेको थियो ।
संसदको आजको बैठकबाट यो बिद्ययेक पारित भए , सांसदहरुलाई ब्यक्तिगत प्रयोजनमा विदेश भ्रमणमा जान पनि कानुनी रुपमै बाटो खुल्ला हुनेछ । यस्तै संघिय संसद अन्र्तगतका विभिन्न समितिहरुको छुट्टा–छुट्टै बैठक आज बस्दैछ ।
राज्य व्यवस्था तथा सुसासन समितीले बढ्दो महिला हिंसा, बलात्कार र हत्या तथा शान्ती सुरक्षासँग सम्बन्धित बिषयमा गृहमन्त्री रामबहादुर थापासँग आज छलफल गर्दैछ ।
सिंहदरबारमा मध्यान्ह १२ बजे बस्ने बैठकमा शान्ती सुरक्षाका सवालमा सरकारले गरिरहेको तयारी बारेपनि छलफल हुने समिती श्रोतले जनाएको छ ।
कृषि सहकारी तथा प्राकृतिक स्रोत समिति, दिगो विकास तथा सुसासन समिती तथा महिला तथा सामाजिक समितिको छुट्टा–छुट्टै बैठक पनि आज बस्ने संघिय संसद सचिवालयले जनाएको छ ।