सर्वोच्चको आदेशमा रिहालगत्तै प्रकाण्ड र भुजेल अदालतपरिसरबाटै पुनः गिरफ्तार

सर्वोच्चको आदेशमा रिहालगत्तै प्रकाण्ड र भुजेल अदालतपरिसरबाटै पुनः गिरफ्तार

  • शुक्रबार, भदौ २९, २०७५
  • मिर्मिरे अनलाइन

  • 39.4K
    SHARES

२९ भदौ, काठमाडौं ।

नेपाल कम्युनिस्ट पार्टीका प्रवक्ता खडगबहादुर विश्वकर्मा ‘प्रकाण्डलाई’ सर्वोच्च अदालतको आदेशमा रिहा भएका प्रकाण्डलाई प्रहरीले भर्खरै गिरफ्तार गरेको छ ।

प्रकाण्डसँगै पोलिटब्यूरो सदस्य उमा भुजेललाई पनि रिहा लगत्तै सर्वोच्च परिसरबाट गरिफ्तार गरेको छ । भुजेललाई नुवाकोटमा राख्दै आएको थियो ।

गैरकानूनी रुपमा थुनामा राखको भन्दै विरेन्द्र विश्वकर्माले रिहाइको माग गर्दै दायर गरेको रिटमाथि न्यायाधीश अनिलकुमार सिन्हा र प्रकाशमान सिंह राउतको संयुक्त इजलासले प्रकाण्डलाई आजै अदालतको मुख्य रष्ट्रिारको रोहवरमा छाड्न आदेश दिएको थियो । रिहापछिको प्रकाण्डको गिरफ्तारी यो पाँचौ पटक हो ।

आदेशमा यसअघिदेखि नै सर्वोच्चको आदेशमा रिहाई हुँदै आएका प्रकाण्डलाई तत्कालै सरकारले पटकपकट गिरफ्तार गरी थुनामा राख्ने गैरकानूनी कार्य गरेको ठहर गर्दै संविधानले प्रत्याभूत गरेका वैयक्तिक स्वतन्त्रताको हक उपभोग गर्नबाट निवेदक वन्चित हुन गएको भन्दै इजलास संवेदनशील भएको जनाएको छ ।

‘नागरिकको मौलिक हक कुण्ठित हुँदा मौलिक हकको प्रचलनको लागि यस अदालतबाट एउटै व्यक्तिको गैरकानूनी थुनाको सम्बन्धमा पटकपटक आदेश जारी गर्नु परेको सन्दर्भमा कही यस अदालतको आदेश निस्तेज पार्ने र छल्ने प्रयत्न गरिएको त होइन ?’ भनेर सरकारमाथि सर्वोच्चले गम्भीर प्रश्न उठाइएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ