नेकपाका पीबीएम पुनलाई भदौ २८ मा उपस्थित गराउन उच्च अदालतद्वारा आदेश

नेकपाका पीबीएम पुनलाई भदौ २८ मा उपस्थित गराउन उच्च अदालतद्वारा आदेश

  • मङ्लबार, भदौ २६, २०७५
  • मिर्मिरे अनलाइन

  • 19.6K
    SHARES

२६ भदौ, काठमाडौं ।

नेपाल कम्युनिस्ट पार्टीका नेता एवं पोलिटब्यूरो सदस्य (पीबीएम) ओमप्रकाश पुनलाई भदौ २८ गते उच्च अदालतमा उपस्थित गराउन जिल्ला प्रशासन कार्यालय बाँकेलाई आदेश दिएको छ ।

बन्दी प्रत्यक्षीकरण रिटमाथिको बहसपछि न्यायाधीश ऋषिप्रसाद अधिकारीको एकल इजलासले सोमबार सो आदेश दिएको हो । पुनलाई गैरकानूनी रुपमा गिरफ्तार गरी प्रहरी हिरासतमा थुनामा राखेको जनाउँदै रिहा गर्न माग राखेर हरिशंकर प्याकुरेलले उच्च अदालत तुलसीपुरको नेपालगञ्ज इजलासमा बन्दी प्रत्यक्षीकरण रिट निवेदन दर्ता गरेका थिए ।

रिटमाथिको बहस सकेर सुनुवाई गर्दै न्यायाधीश अधिकारीको इजलासले बन्दी पुनलाई रिहा गर्न किन नपर्ने हो ? सोको लिखित जवाफसहित भदौ २८ बिहान १० बजे उच्च अदालतमा उपस्थित गराउन जिल्ला प्रशासन कार्यालय बाँकेलगायत विपक्षीको नाममा आदेश जारी गरेको हो ।
पुनलाई गत असार १९ गते राति ९ बजे काठमाडौंको लाजिम्पाटबाट सादा पोशाकका प्रहरीले गिरफ्तार गरी बर्दिया, कैलाली हुँदै हाल बाँके जिल्ला प्रहरीको हिरासतमा राख्दै आएको छ । उनीमाथि विष्फोटको अभियोग लगाइएको छ ।

पुनसहित नेकपाका पाँच जना पीबीएमलाई विगत अढाई महिनादेखि देशका विभिन्न जिल्ला प्रहरी कार्यालयको हिरासतमा बन्दी बनाइ राखिएको छ । पीबीएमहरु पदमबहादुर राई ‘विकास’ संखुवासभा, उमा भुजेल ‘शिलु’ नुवाकोट, कृष्णबहादुर धमला ‘गम्भीर’ र मोहनबहादुर कार्की ‘जीवन्त’ दाङ (लैजाँदै) अवस्थामा रहेका छन् ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ