प्रकाण्डलाई भोजपुर पुर्याइएपछि आयो यस्तो प्रतिकृया, ‘प्रकाण्डमय भयो भोजपुर त गाँठे’

प्रकाण्डलाई भोजपुर पुर्याइएपछि आयो यस्तो प्रतिकृया, ‘प्रकाण्डमय भयो भोजपुर त गाँठे’

  • बिहिबार, भदौ २१, २०७५
  • मिर्मिरे अनलाइन

  • 46.7K
    SHARES

२१ भदौ, भोजपुर ।

नेपाल कम्युनिस्ष्ट पार्टीका प्रवक्ता खडगबहादुर विश्वकर्मा ‘प्रकाण्ड’लाई हिजो बुधबार साँझ भोजपुर जिल्ला अदालतले रिहा गरिदियो । उनलाई रिहा गर्दा साँझ झण्डै साढे ६ बजेको थियो ।

त्यतिबेला अदालत परिसरमा रिहाई आदेशको खबर सुनेर बाक्लो मात्रामा संचारकर्मी समाचार मसलाका लागि उस्थित भइसकेका थिए । कोही समाचार संकलन तथा कोही तस्बीर खिच्नका लागि । सबैजसो क्यामेरा सोझ्याएर बसिरहे ।

प्रकाण्ड प्रहरीकै घेराबीच प्रकट हुने अनुमान त्यहाँ उपस्थित पत्रकारहरुले पहिल्यै अनुमान गरेकै थिए । किनकि उनलाई प्रहरी पुनः गिरफ्तार गर्ने तयारी भइरहेको खबर उनीहरुले प्राप्त गरिरहेकै थिए ।

त्यसकारण प्रहरीले उनलाई घेराबीचमै राखेर ल्याउनेछन् भन्ने अनुमान लगाउन मामुली विषय थिएन । नभन्दै नेकपाका स्थायी समितिका सदस्य समेत रहेका प्रवक्ता प्रकाण्ड हतियारधारी प्रहरीको घेराबिचबाट अदालत परिसर बाहिर निस्किए ।

परिसरबाहिर प्रतिक्रियाका लागि बसिरहेका पत्रकारहरुसँग छोटो प्रतिक्रिया दिए । पत्रकारहरुले उनको तस्बीर कुनै न कुनै माध्यमबाट लिए । धेरैले भिडियो पनि खिचे ।

रिहालगत्तै आफूलाई अर्को अभियोगमा प्रहरीले दाङ लैजान खोजेको र अहिलेसम्म ठीकै रहेको र समाचार सहयोगका लागि पत्रकारहरुलाई धन्यवाद समेत दिए प्रकाण्डले । उनलाई हेर्न र भेट्न सर्वसाधारणको समेत बाक्लै उपस्थिति थियो ।

त्यसबेलाको माहोल निराश र तनावपूर्ण भन्दा सहज र सामान्य परिस्थिति जस्तो देखियो । त्यो देखेर उपस्थितहरुमाभ्m त प्रकाण्ड प्रवक्ता ‘विप्लव हो कि सरकारको हो ?’ भनेर चर्चा समेत भयो । प्रवक्ता सरकारको नभएपनि उनीसँग समाचार बन्न लायक थुप्रै सामाग्री देखेका थिए, छन् संचारकर्मीले । त्यसकारण पनि पत्रकारको ओइरो लागेका हुन् । यसमा कारण करण वा अकरण जे होस् । अझ प्रकाण्डलाई प्रहरीले घेरा हालेर अगाडि बढाइरहँदा एकजना पत्रकारले त ‘प्रकाण्डमय भयो भोजपुर त गाँठे’ टिप्पणी गरे ।

टिप्पणीले माहोललाई थप रोमान्टिक बनाउन मद्दत पुर्याएको थियो । नपत्याए भिडियो हेर्न र सुन्न सक्नुहुन्छ ।

 

 

 

 

 

भिडियो:

 

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ