काठमाडौं, भदौ १३ ।
बहुपक्षीय प्राविधिक तथा आर्थिक सहयोगका लागि बंगालको खाडीको प्रयास बिमस्टेकको चौथो शिखर सम्मेलनको मन्त्रीस्तरीय बैठक काठमाडौंमा सुरु जारी छ ।
काठमाडौंस्थित होटल सोल्टीमा जारी बैठकमा विमस्टेक सदस्य राष्ट्रका विदेश सचिवको बैठकले अन्तिम रुप दिएको समझदारी पत्र अनुमोदन गरिनेछ ।
शिखर सम्मेलनले अनुमोदन गर्ने विद्युत लाईन प्रशारणको अन्तरदेशीय मार्ग बिमस्टेक ग्रिड ईन्टरकनेक्सनको समझदारीपत्रमा सातै देशका विदेशमन्त्रीले थप छलफल पछि हस्ताक्षर गर्नेछन् ।
क्षेत्रीय लगानी, व्यापार, पारवहन तथा सञ्चार, प्रविधि, प्रति आतंकवाद तथा अन्तरदेशीय अपराध, कृषि, गरिबी निवारण र जनस्वास्थ्य गरी १४ मध्ये ७ विषयलाई प्राथमिकतामा राखेर छलफल अगाडि बढाईएको छ ।
छलफलका लागि सदस्य राष्ट्रका विदेशमन्त्री काठमाडौं आईसकेका छन् । सचिवस्तरीय बैठकले प्रशासनिक तथा आर्थिक विषयमा भएका छलफलका एजेण्डा समेत मन्त्रिस्तरीय बैठकमा पेश गरिने छ ।