१० भदौ, चितवन ।
नेपाल कम्युनिस्ट पार्टी चितवन जिल्ला पार्टी सदस्य कमल पनेरु चिरागलाई प्रहरीले गिरफतार गरेको छ ।
पनेरु बिरामी परेर घरैमा सुतिरहेका थिए । बिरामी अवस्थामै रत्ननगर नगरपालिका–१० स्थित घरैबाट आइतबार बिहान पक्राउ गरिएको हो । गिरफ्तारको पुष्टि नेकपा चितवनले गरिसकेको छ ।
बिरामी अवस्थका मान्छेलाई राजनीतिक आस्थाकै आधार प्रहरीले विनाकारण गिरफ्तार गरेको जनाउँदै नेकपा चितवनले आपत्ति जनाएको छ ।
गिरप्तारको घोर भत्र्सना गर्दै चिरागलाई तत्काल निसर्त रिहा गर्न नेकपा चितवनले माग गरेको छ । नेकपा चितवनका सेक्रेटरी ध्रुव खडकाले आफ्नो पार्टीसम्वद्ध व्यक्तिलाई आस्थाकै आधारमा प्रशासनले दुःख दिन नछाडेको भन्दै उक्त रवैया बन्द सरकारसँग माग गरे ।
चिरागलाई तत्काल रिहा गर्न गरेका छन् । रिहाई नगरिए कडा आन्दोलनका कार्यक्रम घोषणा गर्न नेकपा चितवन बाध्य हुने चेतावनी समेत दिइएको छ ।