काठमाडा, भदौ २ ।
काठमाण्डौ–केरुङ रेलमार्ग निर्माणका बिषयमा छलफल गर्न चिनियाँ रेल विभागको निमन्त्रणामा सरकारी उच्चस्तरीय टोली आज चीन जाँदैछ ।
भौतिक पुर्बाधार तथा यतायत मन्त्रालयका सचिव मधुसुधन अधिकारी नेतृत्वको टोली मध्यान्ह १२ बजे बेईजिङ जाने रेल विभागका सुचना अधिकृत प्रकाशभक्त उपाध्यायले जानकारी दिनुभयो ।
टोलीले रेलमार्ग निर्माणका साथै चीनले नेपालमा गर्ने भनिएका अन्य परियोजनाका बिषयमा त्यहाको रेल विभागका उच्च अधिकारीसंग छलफल गर्नेछ ।
त्यस्तै केरुङ काठमाण्डौ रेलमार्ग सम्भाब्यता अध्ययनका लागि गठित टोलीसँग पनि नेपाली टोलीले विशेष छलफल गर्ने जनाईएको छ ।
टोलीले सोमबार र मंगलबार आफ्नो प्रतिवेदन सार्वजनिक गर्ने जनाएको छ । झण्डै १ सय किलोमिटरको काठमाण्डौ केरुङ परियोजनाका लागी चिनियाँ रेल विभागको टोलीले झण्डै एक साताको स्थलगत अवलोकन गरेको थियो ।
टोलीले विभिन्न दुई विकल्पमा परियोजनाको प्रतिवेदन तयार पारेको जनाएको छ । समुन्द्री सतहबाट २ हजार ८ सय मिटरको उचाईमा रहेको परियोजनाका लागि २ खर्ब ७५ अर्ब लागत अनुमान गरिएको छ ।
