सरकार देशलाई गृहयुद्धतर्फ धकेल्न उद्यतः नेकपा पूर्वीकमाण्ड

सरकार देशलाई गृहयुद्धतर्फ धकेल्न उद्यतः नेकपा पूर्वीकमाण्ड

  • बुधबार, साउन ३०, २०७५
  • मिर्मिरे अनलाइन

  • 10.6K
    SHARES

३० साउन, सुनुसरी ।

नेपाल कम्युनिस्ट पार्टीले वर्तमान सरकार देशलाई गृहयुद्धतर्फ धकेल्न उद्यत रहेको बताएको छ ।

गएको मंगलबार मध्यरातमा सुनसरीको धरानबाट पार्टीका केन्द्रीय सदस्यद्वय किरण राई र दिपेश राईलाई प्रहरीले सुतिरहेको ठाउँबाट बिनाकारण गिरफ्तार गरेर बेपत्ता पारेको भन्दै नेकपाको पूर्वीकमाण्डले सरकारको कदमप्रति आक्रोश व्यक्त गरेको हो ।

बुधबार अबेर नेकपाका पोलिटब्यूरो सदस्य समेत रहेका पूर्वीकमाण्ड ईन्चार्ज अनिल शर्मा ‘विरही’ले एक प्रेस विज्ञप्ति जारी गर्दै सरकारको कडा आलोचना गरेका छन् । विज्ञिप्तमा पार्टीका केन्द्रीय सदस्य राईद्वय र युवा नेताहरु चन्द्र बुढाथोकी र राकेश किरणसहित चार जनालाई सरकारले अनाहकमा गिरफ्तार गरेर उनीहरुको अवस्था अज्ञात राखेर डकैती शैली अपनाएको बताएका छन् ।

सरकारले अपनाएको हर्कतले देश गृहयुद्धतर्फ उन्मुख भएको र यो सरकारले ज्यादाति र गैरन्यायिक गिरफ्तार तीव्र पारेको भन्दै गिरफ्तारीको निन्दा भत्सर्ना ईन्चार्ज विरहीले गरेका छन् ।

साथै विरहीले सरकारले प्रेस आतंक र गृहयुद्ध उन्मुख सरकारको कदमको विरुद्ध प्रतिरोध गर्न पार्टीपंक्तिलाई अपिल गरेका छन् । गिरफ्तार सबैलाई निसर्त तत्काल रिहा गर्न विज्ञप्तिमार्फत सरकारसँग जोडदार माग गरिएको छ ।

उनले क्रान्ति सधै गतिशील हुने र यसमा जीतहार र चुनौति आइरहने समेत उल्लेख गरेका छन् ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ