काठमाडौं, साउन २८ ।
प्रभावकारी कानून नहुँदा बजारमा सर्वसाधरण ठगिएको गुनासो बढिरहँदा सरकारले संसदमा आज उपभोक्ता संरक्षण विद्येयक टेवल गर्दैछ ।
उद्योग वाणिज्य तथा आपूर्ति मन्त्री मातृका प्रसाद यादवले उपभोक्ता संरक्षण विद्येयक दिउसो १ वजे पछि वस्ने प्रतिनिधीसभाको वैठकमा प्रस्तुत गर्न लाग्नुभएको हो ।
यसअघि उपभोक्ता संरक्षण ऐन २०५४ र नियमावली ५६ अनुसार बजार अनुगमन गरेपनि कालोवजारी र अनियमितता गर्नेलाई कारवाही गर्न नसकिएपछि सरकारले संशोधन गरेको हो ।
सरकाले लामो समयदेखि बजार अनुगमन गर्दै आएको छ तर प्रभावकारी परिणाम आउन सकेको छैन । बजार अनुगमनमा जाने कर्मचारीलाई पुर्ण अधिकार, स्थलगत कारवाही, जरिवाना रकम वृद्धि लगायतका विषयलाई प्राथमिकतामा राखेर विद्येयक बनाईएको मन्त्रालयका सचिव चन्द्र घिमिरेले जानकारी दिनुभयो ।
वाणिज्य तथा आपूर्ति व्यवस्थापन विभागका प्रवक्ता ढुण्डीराज पोखरेलले बजार अनुगमन नियमित भएपनि कानून फितलो भएपछि अहिलेसम्म परिणाम आउन नसकेको स्वीकार गर्नुभयो ।
सरकारले संसदमा टेवल गर्न लागेको विद्येयक प्रति नेपाल चेम्वर अफ कमर्शले भने आपत्ति जनाएको छ । निजी क्षेत्रसंग प्रत्यक्ष जोडिएको विषयमा आफुहरुसंग सल्लाह नै नगरि व्यवसायिक बाताबरणमा खलल र्पुयाउने गरि विद्येयक ल्याएको चेम्वरले आरोप लगाएको हो ।