नेकपाका प्रवक्ता प्रकाण्डलाई पाँच दिनको म्याद थप, चन्दा उठाएको अभियोग: गिरफ्तारीविरुद्ध चरणवद्ध संघर्षका कार्यक्रम घोषणा

नेकपाका प्रवक्ता प्रकाण्डलाई पाँच दिनको म्याद थप, चन्दा उठाएको अभियोग: गिरफ्तारीविरुद्ध चरणवद्ध संघर्षका कार्यक्रम घोषणा

  • बुधबार, साउन २३, २०७५
  • मिर्मिरे अनलाइन

  • 10.1K
    SHARES

२३ साउन,काठमाडौँ । नेपाल कम्युनिस्ट पार्टीका प्रवक्ता प्रकाण्डलाई विशेष अदालतले पाँच दिनको म्याद थप गरिएको छ ।अदालतले पाँच दिन थुनामा राखेर थप अनुसन्धान गर्न प्रहरीलाई अनुमति दिएको छ ।

प्रहरीले प्रवक्ता प्रकाण्डलाई जबरजस्ती चन्दा असुल गरेको अभियोग लगाएको छ । सँगै गिरफ्तार भएका हरिचन्द्र आचार्य र मिनबहादुरलाई पनि प्रहरीले अदालतमा पेश गरेको थियो । दुबै जनालाई पनि सोही अभियोग लगाएको छ । अदालतले गिरफ्तार गरेपछि अाचार्यलाइ सारिरिक याताना दिएकाेले उनलाइ उपचार गराउन पनि अादेश दिएकाे छ ।

प्रवक्ता प्रकाण्डलाई प्रहरीले मंगलबार साँझ काठमाडौँको चोभारबाट गिरफ्तार गरेको थियो । तीनै जनालाई काठमाडौँ प्रहरी परिसर टेकुमा राखिएकाे छ ।

यसैबीच नेकपा कम्युनिष्ट पार्टीका महासचिव विप्लवले यही साउन २९ गते नेपाल बन्दको घोषणा गरेका छन् । पार्टी प्रवक्ता प्रकाण्डको रिहाईको माग गर्दै विप्लवले नेपाल बन्दसहित चरणबद्ध संघर्षका कार्यक्रम घोषणा गरेका हुन् ।

विप्लवले बुधबार विज्ञप्ति जारी गर्दै विप्लवले सम्पूर्ण राजनीतिक मूल्य मान्यतालाई मिच्दै ओली प्रचण्ड सरकारले कायरतापूर्ण गिरफ्तारी गरेको भन्दै आपत्ति जनाएका छन् । तत्काल रिहा नगरे कडा संघर्षमा जाने चेतावनी दिएका छन् ।

‘हाम्रो पार्टी राजनीतिक विचारका आधारमा गरिएको गिरफ्तारी बन्द गर्न, गिरफ्तार कमरेड प्रवक्ता प्रकाण्ड, पीबीएम कमरेडहरु, सीसीएम कमरेडहरूलगायत सबै कमरेडहरूलाई बिनासर्त रिहा गर्न जोडदार माग गर्दछ ।’ महासचिव विप्लवद्वारा जारी गरिएको विज्ञप्तिमा भनिएको छ – ‘अन्यथा पार्टी फासिवादी दमनको सशक्त बिरोध गर्ने चेतावनी दिन चाहन्छ ।’

केपी सरकारले राजनीतिक अधिकारमाथि एकपछि अर्को गर्दै प्रतिबन्ध लगाउदै गएको भन्दै महासचिव विप्लवले सरकारको यसप्रकारको रबैयाको कडा प्रतिवाद गर्न पनि सबै साच्च लोकतान्त्रिक र देशभक्त शक्तिहरुलाई आवहान गरेका छन् ।

जनताको अपुरो राजनीतिक अधिकार प्राप्तिका लागि नेकपा लागिपरेको भन्दै उनले यो अभियानलाई कुल्चने अथवा दमन गरेर सिध्याउने दुस्स्वप्न नदेख्न समेत ओली(प्रचण्डलाई चेतावनी दिएका छन् । जनतामाथि लुट मच्चाउनेहरुको लुटको स्वर्ग छिट्टै ध्वस्त हुने समेत विप्लवले बताएका छन् ।

ओली सरकारको दमनबिरुद्ध उनले चरणबद्ध संघर्षको घोषणा समेत गरेका छन् । प्रवक्ता प्रकाण्डलाई प्रहरीले मंगलबार राति साढे ७ बजे काठमाडौंको चोभारबाट गिरफ्तार गरेको हो । प्रहरीले प्रकाण्डसहित हरिशचन्द्र आचार्य र मिनबहादुर श्रेष्ठलाई समेत गिरफ्तार गरेको छ ।

विप्लवले प्रकाण्डको गिरफ्तारीविरुद्ध चरणवद्ध संघर्षका कार्यक्रम समेत घोषणा गरेका छन् ।

यस्ता छन् थप संघर्षका कार्यक्रम

साउन २५ गतेः देशव्यापी कोणसभा

साउन २६ गतेः विरोध सभा

साउन २७ गतेः भण्डाफोर

साउन २८ गतेः मशाल जुलुस

साउन २९ गतेः नेपाल बन्द

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ