ईटहरी, १९ साउन ।
सुनसरीको ईटहरीमा प्रहरीले नेपाल कम्युनिष्ट पार्टीका नेता कार्यकर्ता विरुद्ध धरपकड गर्ने क्रममा ट्रयाक्टर ड्राईभर देखि स्कुलका शिक्ष सम्मलाई गिराफ्तार गरेको खुलेको छ ।
हिजो पार्टीका जिल्ला सेक्रेटरी पुष्प कोईराला र कोशी ब्युरो सदस्य डिबी सिलवाल लाई पक्राउ गरेकै दिन ट्रयाक्टर चलाएर मजदुरी गर्ने भोजपुरका मजदुर छिरिगं शेर्पा र सुनसरीमै अध्यापन गराउने शिक्षक जनक निरौलालाई समेत पक्राउ गरेको खुलेको छ ।
यसै गरी अर्का एक युवा सागर राईलाई पनि ईटहरीबाटै पक्राउ गरेको खुलेको छ । उनीहरु सबैलाई ईटहरी ईलाकामा राखिएको प्रहरीले जनाएको छ ।
पक्राउ गरिएकाहरुलाई आफन्तसँग भेटघाट गर्न तथा खान समेत नदिएर राखिएको उनीहरुका परिवारको भनाई छ । तर
सुनसरी जिल्ला प्रहरी कार्यलय प्रहरी प्रवत्ता डिएसपि नारायण चिमोरीयाले पक्राउ परेका सबैलाई पुर्ण मानवअधिकारको प्रत्याभुत हुनेगरी पाउने सुविधा समेत दिने गरिएको बताउनु भयो ।