काठमाण्डौं ।
जीवन बीमा सेवालाई विस्तार गर्ने उद्देश्यले सिभिल बैंकले रिलायबल नेपाल लाइफ इन्स्योरेन्ससँग सम्झौता गरेको छ ।
सम्झौताभएसँगै अब रिलायबल नेपाल लाइफ इन्स्योरेन्सका जीवन बीमा सेवालाई विना झन्झट सिभिल बैंकका देशभर छरिएका ६८ शाखाहरु मार्फत ग्राहक वर्ग प्रत्यक्षरुपमा लाभान्वित हुने बैंकका प्रमुख कार्यकारी अधिकृत गोविन्द गुरुङले बताएका छन् ।
सम्झौता पत्रमा बैंकका तर्फबाट प्रमुख कार्यकारी अधिकृत गोविन्द गुरुङ र रिलायबल नेपालका तर्फबाट प्रमुख कार्यकारी अधिकृत नारायण बाबु लोहनीले हस्ताक्षर गरेका छन् ।
देशका ग्रामीण भेगलाई विशेष ध्यानमा राखी विभिन्न जीवन बीमाका योजनाहरु ल्याइएको रिलायबल नेपालका प्रमुख कार्यकारी अधिकृत नारायण बाबु लोहनीले बताएका छन् ।
बैंकले यसअघि पनि जीवन बीमा कम्पनीहरु मेटलाइफ र एलआईसी नेपाल तथा थुप्रै निर्जीवन बीमा कम्पनिहरुसँग सम्झौता गरी जीवन बीमा तथा निर्जीवन बीमा सेवा उपलब्ध गराउँदै आइरहेको छ ।
