सरकारले मुठभेड निम्त्याउन खोज्यो: देउवा

सरकारले मुठभेड निम्त्याउन खोज्यो: देउवा

  • शनिबार, असार २३, २०७५
  • मिर्मिरे अनलाइन

  • 8.9K
    SHARES

२३ असार, रामेछाप ।
नेपाली कांग्रेसका सभापति शेरबहादुर देउवाले आफु नेतृत्वको सरकारले गरेका राजनीतिक नियुक्ति खारेज गरेर सरकारले मुठभेड निम्त्याउन खोजेको आरोप लगाउनु भएको छ ।

प्रेस युनियन, रामेछापले जिल्ला सदरमुकाम मन्थलीमा आज आयोजना गरेको पत्रकार सम्मेलनमा बोल्दै सभापति देउवाले प्रजातान्त्रिक मान्यतालाई कुल्चिएर चालिएको उक्त कदम निरंकुशता उन्मुख भएको बताउनु भयो ।

देउवाले आफ्नो सरकारले गरेका नियुक्ति खारेज गर्ने ओली सरकारको कदम कुनै हातलमा स्वीकार नगर्ने प्रष्ट पार्नुभयो ।

सरकार हरेक क्षेत्रलाई नियन्त्रण र कब्जा गर्ने हिसावले उत्रिएको भन्दै सभापति देउवाले यसको कांग्रेसले कडा प्रतिवाद गर्ने पनि प्रष्ठ पार्नुभयो ।

भारत र चीनसँग प्रधानमन्त्री केपी शर्मा ओली लम्पसार परेको पनि उहाँको आरोप छ । चीनबाट रेल ल्याउने विषय ‘सपना’ मात्रै भएको भन्दै देउवाले यो पूरा नहुने बताउनु भयो ।

देउवाले अनशनरत डा. गोविन्द केसीको सत्याग्रहमा सरकारले अवरोध पुर्याएको घटनाप्रति पनि आपत्ति जनाउनु भयो । शान्तिपूर्ण विरोध प्रदर्शन गर्न समेत रोक लगाइनुले सरकार निरंकुशताको बाटोमा अग्रसर भएको पुष्टि गरेको उहाँको भनाइ छ ।

देउवाले नेपाली कांग्रेसभित्र अब कुनै गुट नहुने दाबी गर्दै अब कांग्रेस एक ढिक्का भएर अघि बढ्ने बताउनु भयो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ